Reglugerð um breytingu á reglugerð nr. 361/2005 um flugvernd. - Brottfallin
1. gr.
4. málsliður 1. málsgreinar 4. gr. orðast svo:
Flugmálastjórn Íslands skal sjá til þess að millilandaflugvellir, flugumferðarþjónusta og flugrekendur með útgefið flugrekstrarleyfi á Íslandi geri flugverndaráætlanir fyrir sína starfsemi sem uppfylla kröfur Flugverndaráætlunar Íslands og lýsa m.a. skipulagi flugverndarmála, ábyrgð á framkvæmd, verklagi og sérstakar flugverndaraðgerðir.
2. gr.
Í 1. og 2. málsgrein 12. gr. falla niður orðin "til samþykktar".
3. gr.
2. málsliður 1. málsgreinar 23. gr. orðast svo:
Athugunin skal framkvæmd af ríkislögreglustjóra og felst m.a. í skoðun á viðkomandi í skrám lögreglu og öflun upplýsinga um sakaferil.
4. gr.
Í stað orðsins "líkamsleit" í fyrirsögn 29. gr. og 3. málslið 1. mgr. 29. gr. skal koma orðið: handleit.
5. gr.
30. gr. orðast svo:
Sérhverjum aðila sem neitar að undirgangast leit í samræmi við þessar reglur eða neitar að láta skoða handfarangur sinn skal synjað um að fara inn á haftasvæði flugverndar og í loftfar.
6. gr.
Í b-lið 1. mgr. 2. gr. í viðauka við reglugerðina skal liðurinn hnífar orðast svo:
hnífar, með lengra en 6 cm blaði (úr málmi eða öðru efni sem er nógu stíft til að hægt sé að nota það sem hugsanlegt vopn, einnig hnífar sem eru notaðir við siða- og trúarathafnir),
7. gr.
Gildistöku g-liðar um handfarangur í 2. mgr. 2. gr. í viðauka við reglugerðina er frestað og skal taka gildi 6. maí 2008.
8. gr.
Reglugerð þessi er sett samkvæmt heimild í 70. gr., 2. mgr. 78. gr., sbr. 145. gr. laga um loftferðir nr. 60/1998 með síðari breytingum og öðlast þegar gildi.
Samgönguráðuneytinu, 20. apríl 2007.
Sturla Böðvarsson.
Ragnhildur Hjaltadóttir.