Reglugerð um bann við veiðum á ígulkerjum á vestursvæði í innanverðum Breiðafirði. - Brottfallin
Felld brott með:
1. gr.
Frá og með 24. nóvember 2018 eru allar veiðar á ígulkerjum óheimilar á veiðisvæði í innanverðum Breiðafirði, svokölluðu vestursvæði. Bannsvæðið afmarkast af svæði sem er austan við línu, sem dregin er milli hnitanna 65°10´N, 22°40´V og 65°00´N, 22°40´V og vestan við línu sem dregin er milli hnitanna 65°08´N, 22°31´V og 65°04´N, 22°25´V.
2. gr.
Með mál sem kunna að rísa út af brotum á reglugerð þessari skal farið að hætti sakamála og varða brot viðurlögum samkvæmt ákvæðum laga nr. 79/1997, um veiðar í fiskveiðilandhelgi Íslands.
3. gr.
Reglugerð þessi er sett samkvæmt ákvæðum laga nr. 79/1997, um veiðar í fiskveiðilandhelgi Íslands. Reglugerðin öðlast þegar gildi og fellur úr gildi 31. ágúst 2019.
Atvinnuvega- og nýsköpunarráðuneytinu, 22. nóvember 2018.
F. h. sjávarútvegs- og landbúnaðarráðherra,
Jóhann Guðmundsson.
Baldur P. Erlingsson.