REGLUGERÐ
um breytingu á reglugerð nr. 220/1995 um útflutning hrossa.
1. gr.
2. mgr. 19. gr. orðist svo:
Landbúnaðarráðherra úthlutar styrkjum úr útflutningssjóði a.m.k. einu sinni á ári að fengnum tillögum útflutnings- og markaðsnefndar. Forgang hafa verkefni sem nýtast öllum í markaðsstarfi. Heimilt er útflutnings- og markaðsnefnd að auglýsa sérstaklega styrki til frumkvöðulsverkefna á nýjum mörkuðum og verja fé til annarra verkefna sem nefndin telur brýn. Óheimilt er að úthluta hærri upphæð en er í sjóðnum hverju sinni.
2. gr.
Reglugerð þessi er sett samkvæmt heimild í lögum nr. 161/1994 um útflutning hrossa og öðlast þegar gildi.
Landbúnaðarráðuneytinu, 19. maí 2000.
Guðni Ágústsson.
Ingibjörg Ólöf Vilhjálmsdóttir.