1. gr.
2. gr. reglugerðarinnar orðist svo:
0602.1000 Græðlingar og gróðurkvistir, án róta.
Úr 0602.3000 Alparósir (Azalea, Rhododendron), einnig ágræddar, sem fluttar eru inn á tímabilinu 1. september til 31. október og sem ætlaðar eru til framhaldsræktunar í gróðurhúsum í a.m.k. 2 mánuði fyrir sölu.
Úr 0602.4000 Rósir, einnig ágræddar, sem ætlaðar eru til framhaldsræktunar í gróðurhúsi til afskurðar. Smáplöntur af pottarósum í pottum sem eru 6,5 cm eða minni og sem ætlaðar eru til framhaldsræktunar í gróðurhúsi í a.m.k. 2 mánuði fyrir sölu. Smáplöntur af garðrósum (1/0, 0/1) sem ætlaðar eru til framhaldsræktunar á garðplöntustöð í a.m.k. eitt sumar fyrir sölu.
Úr 0602.9009 Sáðplöntur, græðlingar og smáplöntur pottlausar eða í pottum eða bakkahólfum sem eru 6,5 cm í þvermál eða minni sem ætlaðar eru til framhaldsræktunar í gróðurhúsi í a.m.k. 2 mánuði fyrir sölu, þó ekki stórar úrslegnar plöntur og rótarþvegnar plöntur. Hámarkspottastærð á ekki við um smávaxin afbrigði (mini-plöntur), kaktusa eða þykkblöðunga þar sem miða skal við ungplöntur. Hámarkspottastærð á ennfremur ekki við um tegundina Nertera granadensis.
Úr 0701.1000 Kartöfluútsæði flutt inn á tímabilinu 1. mars til 30. apríl.
Úr 8539.3900 Úrhleðsluperur, þ.e. háþrýstiperur til lýsingar í gróðurhúsum.
Úr 9405.1009 Háþrýstilampar til lýsingar í gróðurhúsum.
Úr 9406.0009 Forsmíðuð gróðurhús.
2. gr.
Reglugerð þessi er sett samkvæmt heimild í 22. tölul. 6. gr. og 148. gr. tollalaga nr. 55/1987, og 2. mgr. 11. gr. laga um vörugjald nr. 97/1987, með síðari breytingum, til að öðlast gildi þegar í stað.
Fjármálaráðuneytinu, 20. febrúar 1996.
F. h. r.
Indriði H. Þorláksson.
Guðrún Ásta Sigurðardóttir.