1. gr.
Verðbréf verðbréfasjóða skulu geymd á öruggum stað í eldtraustu öryggishólfi sem er á svæði stærra öryggiskerfis.
2. gr.
Verðbréfafyrirtækjum, sem annast rekstur verðbréfasjóða, er heimilt að fela viðskiptabanka eða sparisjóði gæslu verðbréfa viðkomandi sjóðs, enda sé öryggisgæsla ekki lakari en kveðið er á um í 1. gr.
3. gr.
Bókhalds- og skráningargögn verðbréfasjóða skulu varðveitt í eldtraustu öryggishólfi. Afrit þessara gagna skulu geymd á öðrum tryggum stað.
4. gr.
Aðgangur að verðbréfum og bókhalds- og skráningargögnum verðbréfasjóða skal takmarkaður við þá starfsmenn verðbréfafyrirtækis, sem annast rekstur viðkomandi verðbréfasjóðs, endurskoðendur þess og endurskoðendur verðbréfasjóðs.
Ákvæði 1. mgr. raska í engu heimildum bankaeftirlits Seðlabanka Íslands til aðgangs að gögnum og upplýsingum hjá verðbréfafyrirtækjum, verðbréfasjóðum og endurskoðendum þeirra, sbr. 1. nr. 20/1989.
5. gr.
Reglugerð þessi, sem sett er samkvæmt heimild í 25. gr. laga nr. 20/1989, öðlast þegar gildi.
Viðskiptaráðuneytið, 22. nóvember 1989.
Jón Sigurðsson.
Björn Friðfinnsson.