Reglugerð um breytingu á reglugerð nr. 184/2002 um skrá yfir spilliefni og annan úrgang. - Brottfallin

Stofnreglugerð:

184/2002 Reglugerð um skrá yfir spilliefni og annan úrgang.

Felld brott með:

1040/2016 Reglugerð um skrá yfir úrgang og mat á hættulegum eiginleikum úrgangs.

nr_428_2003.doc

1. gr.

Við reglugerðina bætist nýr viðauki, VII. viðauki, sem birtur er í fylgiskjali 1 með reglugerð þessari.

Við reglugerðina bætist nýr viðauki, VIII. viðauki, sem birtur er í fylgiskjali 2 með reglugerð þessari.

2. gr.

Reglugerð þessi er sett með stoð í lögum nr. 7/1998 um hollustuhætti og mengunarvarnir. Einnig er höfð hliðsjón af tölul. 32a, XX. viðauka EES-samningsins tilskipun 91/689/EBE.

Reglugerðin öðlast gildi við birtingu.

Umhverfisráðuneytinu, 26. maí 2003.

F. h. r.
Ingimar Sigurðsson.

Sigríður Auður Arnardóttir.

Fylgiskjal 1.

VII. VIÐAUKI

Flokkar eða helstu gerðir af spilliefnum flokkað eftir því hvers eðlis úrgangurinn er eða frá hvaða starfsemi hann kemur((*) Vissar hliðstæður við færslur í VIII. viðauka eru af ásettu ráði.*) (úrgangurinn getur verið fljótandi, eðja eða í föstu formi).

Listi I.A:

Úrgangur sem hefur einhvern af eiginleikunum í III. viðauka og er:

1.	anatómísk efni; úrgangur frá sjúkrahúsum;
2.	lækningavörur, lyf og dýralækningaefni;
3.	viðarvarnarefni;
4.	sæfiefni og varnarefni,
5.	leifar efna sem eru notuð sem leysar;
6.	halógeneruð lífræn efni sem eru ekki notuð sem leysar, að undanskildum hvarfgjörnum fjölliðuefnum;
7.	vökvar til yfirborðsmeðferðar sem innihalda sýaníð;
8.	jarðolíur og efni sem innihalda olíu (t.d. sögunarolía);
9.	olíu/vatns- eða kolvatnsefna/vatnsblöndur, fleyti;
10.	efni sem innihalda PCB og/eða PCT (t.d. rafeinangrandi efni);
11.	tjöruborin efni úr hreinsun, eimingu eða hitasundrun (t.d. botnfall úr eimingu);
12.	blek, litarefni, dreifulitir, málning, lökk, fernis;
13.	trjákvoða, latex, plastmýkingarefni, lím;
14.	óþekkt og/eða ný efni úr rannsóknum, þróun eða kennslustarfi og sem ekki er vitað hvaða áhrif hafa á menn og/eða umhverfi (t.d. rannsóknarstofuúrgangur);
15.	flugeldar og annað sprengiefni;
16.	ljósmyndunar- og framköllunarefni;
17.	efni sem er mengað með einhvers konar fjölklóruðu díbensófúrani;
18.	efni sem er mengað með einhvers konar fjölklóruðu díbensó-p-díoxíni.

Listi I.B:

Úrgangur sem inniheldur eitthvert efnanna í VIII. viðauka og hefur einhvern af eiginleikunum í III. viðauka og er:

19.	dýra- eða jurtasápur, -feiti, -vax;
20.	óhalógeneruð lífræn efni sem eru ekki notuð sem leysar;
21.	ólífræn efni, án málma eða málmsambanda;
22.	aska og/eða gjall;
23.	mold, sandur, leir, þar á meðal dýpkunargröftur;
24.	vökvar til yfirborðsmeðferðar sem innihalda ekki sýaníð;
25.	málmryk, duft;
26.	notaðir hvatar;
27.	vökvar eða eðja sem inniheldur málma eða málmsambönd;
28.	úrgangur úr mengunarvarnarmeðferð (t.d. ryk frá loftsíum), að undanskildum 29., 30. og 33. lið;
29.	þvottaskólp;
30.	eðja frá vatnshreinsistöðvum;
31.	leifar úr afkolsýringu;
32.	leifar frá jónaskiptisúlu;
33.	seyra, ómeðhöndluð og óhæf til notkunar í landbúnaði;
34.	leifar frá hreinsun geyma og/eða búnaðar;
35.	óhreinn búnaður;
36.	óhrein ílát (t.d. pakkningar, gaskútar o.s.frv.) sem í hefur verið eitt eða fleiri af efnunum í VIII. viðauka;
37.	rafgeymar og rafhlöður;
38.	jurtaolíur;
39.	efni sem er ættað úr flokkuðu heimilissorpi og hefur einhvern af eiginleikunum í III. viðauka;
40.	annar úrgangur sem í eru efni tilgreind í VIII. viðauka og sem hefur einhvern af eiginleikunum í III. viðauka.

Fylgiskjal 2.

VIII. VIÐAUKI

Efni sem gera úrgang tilgreindan í lista I.B í VII. viðauka hættulegan þegar hann hefur eiginleikana sem lýst er í III. viðauka:
Úrgangur sem inniheldur:

C1	beryllíum, beryllíumsambönd;
C2	vanadíumsambönd;
C3	króm-6-sambönd;
C4	kóbolt-sambönd;
C5	nikkelsambönd;
C6	koparsambönd;
C7	sinksambönd;
C8	arsen, arsensambönd;
C9	selen, selensambönd;
C10	silfursambönd;
C11	kadmíum, kadmíumsambönd;
C12	tin-sambönd;
C13	antímon, antímonsambönd;
C14	tellúr, tellúrsambönd;
C15	baríumsambönd; nema baríumsúlfat;
C16	kvikasilfur, kvikasilfurssambönd;
C17	þallíum, þallíumsambönd;
C18	blý, blýsambönd;
C19	ólífræn súlfíð;
C20	ólífræn flúorsambönd, nema kalsíumflúoríð;
C21	ólífræn sýaníð;
C22	eftirfarandi alkalí- eða jarðalkalímálmar: litíum, natríum, kalíum, kalsíum, magníum í ósamsettu formi;
C23	súrar lausnir eða sýrur í föstu formi;
C24	basískar lausnir eða basar í föstu formi;
C25	asbest (ryk og trefjar);
C26	fosfór: fosfór-sambönd, nema málmfosföt;
C27	málmkarbónýl;
C28	peroxíð;
C29	klóröt;
C30	perklóröt;
C31	asíð;
C32	PCB og/eða PCT;
C33	efnasambönd til lækninga- eða dýralækninga;
C34	sæfiefni og varnarefni;
C35	smitandi efni;
C36	kreósót;
C37	ísósýanöt, þíósýanöt;
C38	lífræn sýaníð (t.d. nítríl) o.s.frv.;
C39	fenól, fenólsambönd;
C40	halógeneraðir leysar;
C41	lífrænir óhalógeneraðir leysar;
C42	lífræn halógensambönd, nema óhvarfgjörn fjölliðuefni og önnur efni sem eru nefnd í þessum viðauka;
C43	arómatísk sambönd; fjölhringa og heteróhringliða lífræn sambönd;
C44	alífatísk amín;
C45	arómatísk amín;
C46	eterar;
C47	sprengiefni, nema sprengiefni nefnt annars staðar í viðaukanum;
C48	lífræn brennisteinssambönd;
C49	allar gerðir fjölklóraðs díbensófúrans;
C50	allar gerðir fjölklóraðs díbensó-p-díoxíns;
C51	vetniskolefni og súrefni þeirra; köfnunarefnis- og/eða brennisteinssambönd, ótiltekin annars staðar í þessum viðauka.