Reglugerð um breytingu á reglugerð um fallhlífarstökk, nr. 440 28.desember 1976. - Brottfallin

1. gr.

Nýr liður, 4.2.3., bætist inn í 4. gr. Skipulagning, lágmarkskröfur o. fl. sem orðist svo:

4.2.3. Þegar fallhlífarstökk er sýnt á útisamkomum má minnka radíusinn niður í 50 m og öryggissvæði mega vera aðliggjandi svæði. Þetta má þó aðeins leyfa að því tilskyldu, að stökkvararnir uppfylli kröfur fyrir C- skírteini, samkvæmt reglum F.A.I., hafi stýranlega varafallhlíf og þegar vindur yfir jörðu er ekki meiri en 6 m á sekúndu (12 hnútar).

2. gr.

Liður 4.2.3. í 4. gr. Skipulagning, lágmarkskröfur o. fl. verði 4.2.4.

3. gr.

Reglugerð þessi er sett samkvæmt 188. gr. laga um loftferðir nr. 34 21, maí 1964 til að öðlast gildi þegar í stað, og birtist til eftirbreytni öllum þeim, sem hlut eiga að máli.

Samgönguráðuneytið, 12. ágúst 1982.

Steingrímur Hermannsson.

Birgir Guðjónsson.