Reglugerð um skráningu á afli aðalvéla íslenskra skipa - Brottfallin

REGLUGERÐ

um skráningu á afli aðalvéla íslenskra skipa.

1,gr.

Siglingamálastofnun ríkisins skráir afl aðalvéla skipa.

2. gr.

Þegar skráð er afl véla, skal skrá það í kw. og miða við mesta stöðugt álag, sem framleiðandi gefur upp fyrir umrædda vélargerð og árgerð. Ef fyrir hendi er reynslukeyrsla á vélinni með ákveðnum tilgreindum búnaði, sem gefur annað afl, en að framan greinir, þá getur Siglingamálastofnun ríkisins ákveðið að afl vélarinnar skuli skráð í samræmi við þær niðurstöður. Aflið skal mælt samkvæmt ISO staðli 3046.

Breyting á afli vélar með takmörkun olíugjafar hefur ekki áhrif á skráningu vélarafls.

3. gr.

Skipseigandi, sem óskar eftir skráningu á afli vélar, skal leggja fram þau gögn, sem Siglingamálastofnun ríkisins fer fram á.

4. gr.

Skráðu vélarafli verður ekki breytt, nema gerðar séu breytingar á þeim búnaði, sem á vélinni er, og áhrif hafa á afl vélarinnar.

5. gr.

Á skilti á aðalvél skipa skal tilgreint skráð afl aðalvélarinnar.

6. gr.

Reglugerð þessi, sem sett er samkvæmt lögum nr. 52/1970 staðfestist hér með til að öðlast þegar gildi og birtist til eftirbreytni öllum þeim, sem hlut eiga að máli.

Samgönguráðuneytið, 24. febrúar 1984.

Matthías Bjarnason.

Kristinn Gunnarsson.