Reglugerð um eftirlit með flugleiðsöguþjónustu og rekstrarstjórnun flugumferðar. - Brottfallin
Felld brott með:
1. gr.
Markmið.
Markmið reglugerðar þessarar er að kveða á um kröfur til öryggiseftirlits með flugleiðsöguþjónustu og rekstrarstjórnun flugumferðar fyrir almenna flugumferð.
2. gr.
Gildissvið.
Reglugerð þessi gildir um eftirlit með flugleiðsöguþjónustu og rekstrarstjórnun flugumferðar og tekur ekki til herflugs eða herþjálfunarflugs.
3. gr.
Eftirlitsstjórnvald.
Innlent eftirlitsstjórnvald samkvæmt reglugerð þessari er Flugmálastjórn Íslands. Flugmálastjórn Íslands annast tilkynningar til Eftirlitsstofnunar EFTA á grundvelli reglugerðarinnar.
4. gr.
Tilvísanir til annarra reglugerða.
Í fylgiskjali I við reglugerð þessa er vísað til fjölmargra reglugerða Evrópubandalagsins á sviði flugleiðsögu sem innleiddar hafa verið í íslenskan rétt. Tilvísanir eru þessar:
- Reglugerð Evrópuþingsins og ráðsins (EB) nr. 549/2004 frá 10. mars 2004 um setningu rammaákvæða um að koma á samevrópsku flugumferðarsvæði (rammareglugerðin) er innleidd með reglugerð nr. 870/2007 um flugleiðsögu í samevrópska loftrýminu.
- Reglugerð Evrópuþingsins og ráðsins (EB) nr. 550/2004 frá 10. mars 2004 um að veita þjónustu á sviði flugleiðsögu á samevrópska flugumferðarsvæðinu (þjónustureglugerðin) er innleidd með reglugerð nr. 870/2007 um flugleiðsögu í samevrópska loftrýminu.
- Reglugerð Evrópuþingsins og ráðsins (EB) nr. 551/2004 frá 10. mars 2004 um skipulag og notkun loftrýmis á samevrópska flugumferðarsvæðinu (loftrýmisreglugerðin) er innleidd með reglugerð nr. 870/2007 um flugleiðsögu í samevrópska loftrýminu.
- Reglugerð Evrópuþingsins og ráðsins (EB) nr. 552/2004 frá 10. mars 2004 um rekstrarsamhæfi evrópska netsins fyrir rekstrarstjórnun flugumferðar (rekstrarsamhæfisreglugerðin) er innleidd með reglugerð nr. 870/2007 um flugleiðsögu í samevrópska loftrýminu.
- Reglugerð framkvæmdastjórnarinnar (EB) nr. 2096/2005 frá 20. desember 2005 um sameiginlegar kröfur vegna veitingar þjónustu á sviði flugleiðsögu er innleidd með reglugerð nr. 631/2008 um starfsleyfi flugleiðsöguþjónustu.
5. gr.
Rekstrarfyrirmæli.
Rekstrarfyrirmæli í formi tilskipunar um öryggi, samkvæmt 12. gr. fylgiskjals I, skal gefa út í samræmi við 1. mgr. 84. gr. laga um loftferðir nr. 60/1998 með síðari breytingum.
6. gr.
Gildistaka.
Með reglugerð þessari öðlast gildi reglugerð framkvæmdastjórnarinnar (EB) nr. 1315/2007 frá 8. nóvember 2007 um öryggiseftirlit með rekstrarstjórnun flugumferðar og um breytingu á reglugerð (EB) nr. 2096/2005, sem er meðfylgjandi reglugerð þessari merkt fylgiskjal I, með þeim breytingum og viðbótum sem leiðir af XIII. viðauka samningsins og bókun 1 um altæka aðlögun og öðrum ákvæðum hans, sbr. ákvörðun sameiginlegu EES-nefndarinnar nr. 71/2008.
Reglugerð þessi er sett samkvæmt 57. gr. a., sbr. 145. gr. laga um loftferðir nr. 60/1998 með síðari breytingum og öðlast þegar gildi.
Samgönguráðuneytinu, 18. mars 2009.
Kristján L. Möller.
Ragnhildur Hjaltadóttir.
Fylgiskjal.(sjá PDF-skjal)