Reglugerð um innheimtu eftirlitsgjalds af innflutningi plantna. - Brottfallin

1. gr.

Þegar fluttar eru inn vörur, sem falla undir eftirtalin tollskrárnúmer í viðauka I við lög nr. 96/1987 um breyting á lögum nr. 55 30. mars 1987, tollalögum, skal greiða eftirlitsgjald í ríkissjóð og skal það notað til að standa undir kostnaði Rannsóknastofnunar landbúnaðarins við eftirlit með innflutningi plantna og plöntuafurða.

Greiða skal 2% eftirlitsgjald af vörum sem falla undir neðangreind tollskrárnúmer:

Greiða skal 1% eftirlitsgjald af vörum sem falla undir neðangreind tollskrárnúmer:

2. gr.

Eftirlitsgjald skv. 1. gr. skal lagt á tollverð vöru og skulu ákvæði IV. kafla tollalaga nr. 55/ 1987 gilda eftir því sem við getur átt.

Að því leyti sem ekki er kveðið á um vöruflokkun gjalddaga, innheimtu, lögvernd, viðurlög, refsingu og aðra framkvæmd innheimtu sérstaks eftirlitsgjalds skulu gilda eftir því sem við getur átt ákvæði laga nr. 55/1987 svo og reglugerða og annarra fyrirmæla sem sett eru samkvæmt þeim.

3. gr.

Tollstjórar annast innheimtu sérstaks eftirlitsgjalds samkvæmt reglugerð þessari og standa skil á þeim til ríkissjóðs eftir þeim fyrirmælum sem fjármálaráðuneytið setur um skil innflutningsgjalda, sbr. 15. gr. reglugerðar nr. 530/1975 um reikningsskil innheimtumanns ríkissjóðs.

4. gr.

Landbúnaðarráðuneytið sker úr ágreiningi um gjaldskyldu samkvæmt reglugerð þessari.

5. gr.

Reglugerð þessi sem sett er skv. heimild í lögum nr. 5915. maí 1990 um breytingu á lögum nr. 51 29. maí 1981, um varnir gegn sjúkdómum og meindýrum á plöntum, öðlast gildi 1. maí 1992 og tekur til þeirra vara sem um ræðir í 1. gr. og ótollafgreiddar eru á þeim tíma.

Landbúnaðarráðuneytið, 24. mars 1992.

Halldór Blöndal.

Jón Höskuldsson.