Reglugerð um breytingu á reglugerð nr. 297/2006, um Orkuveitu Reykjavíkur, með síðari breytingum.
1. gr.
Við 1. mgr. 5. gr. reglugerðarinnar bætist nýr málsliður sem hljóðar svo: Einnig á Hellu og Hvolsvelli og nærliggjandi sveitum, eins og það veitusvæði er skilgreint í samningi frá 25. janúar 2005 milli Orkuveitu Reykjavíkur, Rangárþings ytra, Rangárþings eystra og Ásahrepps.
2. gr.
Í stað orðanna "heits vatns" í 2. mgr. 5. gr. kemur: heits og kalds vatns.
3. gr.
Við 6. gr. reglugerðarinnar bætist ný málsgrein sem verður 3. mgr. og hljóðar svo: Í þeim tilvikum þar sem á veitusvæði Orkuveitu Reykjavíkur gilda mismunandi taxtar í þéttbýli og dreifbýli skal skilgreining á milli þéttbýlis og dreifbýlis fylgja því hvernig viðkomandi sveitarfélag skilgreinir þéttbýli á aðalskipulagi.
4. gr.
Reglugerð þessi er sett með stoð í lögum nr. 139/2001, um stofnun sameignarfyrirtækis um Orkuveitu Reykjavíkur og orkulögum nr. 58/1967, með síðari breytingum. Reglugerðin öðlast þegar gildi.
Iðnaðarráðuneytinu, 3. janúar 2012.
F. h. r.
Kristján Skarphéðinsson.
Ingvi Már Pálsson.