Reglugerð um (2.) breytingu á reglugerð nr. 938/2021 um sóttkví og einangrun og sýnatöku við landamæri Íslands vegna COVID-19. - Brottfallin
Stofnreglugerð:
Felld brott með:
1. gr.
Við reglugerðina bætist ákvæði til bráðabirgða svohljóðandi:
Ákvæði til bráðabirgða.
Þrátt fyrir ákvæði 3. gr. er einstaklingi í einangrun heimilt að yfirgefa dvalarstað sinn á einkabíl í því skyni að greiða atkvæði utan kjörfundar, á sérstökum kjörstað, í kosningum til Alþingis sem fram fara þann 25. september 2021. Viðkomandi skal vera einn í bíl. Að atkvæðagreiðslu lokinni skal haldið aftur í einangrun án viðkomu annars staðar.
Um atkvæðagreiðsluna sjálfa fer að öðru leyti eftir lögum nr. 24/2000, um kosningar til Alþingis, og reglugerð um atkvæðagreiðslu utan kjörfundar vegna sóttkvíar eða einangrunar vegna COVID-19 farsóttarinnar.
2. gr.
Reglugerð þessi sem sett er á grundvelli 12., 13., 14. og 18. gr. sóttvarnalaga nr. 19/1997, með síðari breytingum, tekur þegar gildi.
Heilbrigðisráðuneytinu, 13. september 2021.
Svandís Svavarsdóttir.
Ásta Valdimarsdóttir.