Prentað þann 19. apríl 2024
129/1991
Reglugerð um breytingu á reglugerð nr. 365/1990, um samvinnu heilsugæslustöðva í Reykjavíkurlæknishéraði um kjör fulltrúa starfsmanna í stjórnir þeirra.
1. gr.
Við ákvæði til bráðabirgða bætist nýr töluliður, sem verði 4. tl. og hljóði svo: Heimilislæknastöðin hf., sem annast framkvæmd og rekstur heilsugæslustöðvar Laugarness H2, í Miðbæjarumdæmi, skv. samningi við stjórn Miðbæjarumdæmis frá 10. janúar 1991, tilnefnir einn fulltrúa til setu á fundum stjórnar heilsugæsluumdæmis Miðbæjar og hefur hann málfrelsi og tillögurétt á fundum stjórnar. Gildir þessi skipan til ársloka 1994, nema samningi verði sagt upp í samræmi við ákvæði hans.
2. gr.
Reglugerð þessi, sem sett er með stoð í 3. tl. 21. gr. laga nr. 97/1990 um heilbrigðisþjónustu, öðlast þegar gildi.
Heilbrigðis- og tryggingamálaráðuneytið, 15. mars 1991.
Guðmundur Bjarnason.
Páll Sigurðsson.
Fyrirvari
Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.
Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.