Reglugerð um breytingu á reglugerð nr. 1664/2024 um skyldu rekstraraðila stafrænna vettvanga til skýrslugjafar vegna leigu fasteigna og lausafjár og sölu á vörum og þjónustu.
Stofnreglugerð:
1. gr.
14. tölul. 2. gr. reglugerðarinnar orðast svo:
Seljandi sem gefa skal skýrslu um: Hver sá virki seljandi, annar en undanþeginn seljandi, sem er heimilisfastur í ríki sem er aðili að gildandi skilyrtu samkomulagi milli lögbærra yfirvalda eða hefur með höndum starfsemi við útleigu fasteigna sem staðsettar eru í ríki á Evrópska efnahagssvæðinu.
2. gr.
Í stað "31. janúar" í 1. mgr. 17. gr., 1. mgr. 18. gr., 1. mgr. 19. gr. og 1. mgr. 21. gr. reglugerðarinnar kemur: 20. janúar.
3. gr.
Við 21. gr. reglugerðarinnar bætist ný málsgrein, svohljóðandi:
Skilaskyldur rekstraraðili vettvangs skal gera ríkisskattstjóra grein fyrir því sérstaklega eigi síðar en 20. janúar á því ári sem næst fer á eftir því almanaksári sem viðskipti áttu sér stað á vettvanginum, ef um engar tilkynningaskyldar upplýsingar er að ræða.
4. gr.
Fyrirsögn 24. gr. reglugerðarinnar breytist og verður svohljóðandi: Reglur um framfylgni krafna um gagnasöfnun skv. III. kafla.
5. gr.
Í 5. mgr. 26. gr. reglugerðarinnar fellur brott orðið "skýrslu".
6. gr.
Reglugerð þessi er sett samkvæmt heimild í 4. og 9. mgr. 92. gr. laga um tekjuskatt, nr. 90/2003. Ákvæði 2. og 3. gr. reglugerðarinnar öðlast gildi 1. janúar 2027. Önnur ákvæði öðlast þegar gildi.
Fjármála- og efnahagsráðuneytinu, 14. janúar 2026.
F. h. r.
Helga Jónsdóttir.
Hildur Berglind Jóhannsdóttir.
B deild - Útgáfudagur: 29. janúar 2026