841/2020

Reglugerð um (2.) breytingu á reglugerð um stuðningslán, nr. 534/2020.

1. gr.

Við 2. mgr. 4. gr. reglugerðarinnar bætast tveir nýir málsliðir, svohljóðandi: Að ósk rekstrar­aðila má senda umsókn og upplýsingar skv. 1. málsl. til annarrar lánastofnunar en aðallánastofnunar með samþykki þeirrar lánastofnunar sem rekstraraðili tilgreinir. Skal fjármála- og efnahags­ráðuneytið þá upplýsa aðallánastofnun um það.

 

2. gr.

Tilvísunin "2. málsl." í 9. gr. reglugerðarinnar fellur brott.

 

3. gr.

Reglugerð þessi, sem sett er með stoð í 24. gr. laga um fjárstuðning til minni rekstraraðila vegna heimsfaraldurs kórónuveiru, nr. 38/2020, öðlast þegar gildi.

 

Fjármála- og efnahagsráðuneytinu, 27. ágúst 2020.

 

F. h. r.

Guðrún Þorleifsdóttir.