Reglugerð um breytingu á reglugerð um bókhald og ársreikninga sveitarfélaga, nr. 944/2000, með síðari breytingum. - Brottfallin
Stofnreglugerð:
Felld brott með:
REGLUGERÐ
um breytingu á reglugerð um bókhald og ársreikninga
sveitarfélaga, nr. 944/2000, með síðari breytingum.
1. mgr. 9. gr. reglugerðarinnar verður svohljóðandi:
Fyrir lok desembermánaðar skal sveitarstjórn afgreiða fjárhagsáætlun næsta árs fyrir sveitarsjóð, stofnanir og fyrirtæki sveitarfélagsins.
Í stað orðanna "eins mánaðar" í 11. gr. reglugerðarinnar kemur: tveggja mánaða.
Eftirfarandi breytingar verða á 17. gr. reglugerðarinnar:
a. 1. mgr. verður svohljóðandi:
Sveitarfélög skulu senda félagsmálaráðuneytinu fjárhagsáætlun sína fyrir næsta ár þegar hún hefur fengið afgreiðslu í samræmi við sveitarstjórnarlög. Hið sama á við um þriggja ára áætlun. Fjárhagsáætlun og þriggja ára áætlun skal skila til ráðuneytisins á rafrænu formi sem uppfyllir kröfur sem ráðuneytið setur.
b. Við 3. mgr. bætist ný setning, svohljóðandi:
Auk undirritaðs ársreiknings skal skila til ráðuneytisins rafrænu eintaki á formi sem ráðuneytið samþykkir.
Reglugerð þessi, sem sett er samkvæmt ákvæðum 67. gr. sveitarstjórnarlaga, nr. 45/1998, með síðari breytingum, staðfestist til að öðlast gildi við birtingu.
