Reglugerð um breytingu á reglugerð nr. 4/1999 um húsaleigubætur. - Brottfallin

REGLUGERÐ

um breytingu á reglugerð nr. 4/1999 um húsaleigubætur.

1. gr.

1. mgr. 1. gr. orðast svo:

Grunnfjárhæðir húsaleigubóta skal ákvarða þannig, að grunnstofn til útreiknings húsaleigubóta á mánuði skal vera 8.000 kr. fyrir hverja íbúð. Að auki bætast við 7.000 kr. fyrir fyrsta barn, 6.000 kr. fyrir annað og 5.500 kr. fyrir þriðja. Til viðbótar koma 15% þess hluta leigufjárhæðar er liggur á milli 20.000-45.000 kr.

2. gr.

3. mgr. 1. gr. orðast svo:

Grunnfjárhæðir geta þó aldrei orðið hærri en sem nemur 50% af leigufjárhæð, að hámarki 25.000 kr. á mánuði.

3. gr.

2. mgr. 9. gr. orðast svo:

Sveitarfélög skulu leggja út fé til greiðslu húsaleigubóta en Jöfnunarsjóður sveitarfélaga reiknar þeim ársfjórðungslega 58% af grunnfjárhæð greiddra bóta til greiðslu, sbr. þó 3. mgr.

4. gr.

Reglugerð þessi, sem sett er samkvæmt heimild í 21. gr., sbr. 5. gr. laga nr. 138/1997 um húsaleigubætur, öðlast þegar gildi.

Ákvæði 1. gr. og 2. gr. koma til framkvæmda frá og með 1. janúar 2000.

Félagsmálaráðuneytinu, 7. janúar 2000.

Páll Pétursson.

Ingi Valur Jóhannsson.