1. gr.
Áður en byggingarleyfi er veitt til nýbyggingar á lóð, eða leyfi til stækkunar á eldra húsi, skal húsbyggjandi greiða gatnagerðargjald vegna þátttöku í kostnaði við gatnagerð, holræsa- og vatnsæðarlögn að lóðarmörkum.
2. gr.
Gatnagerðargjald, samkvæmt 1. gr., skal reiknað sem hundraðshluti af byggingarkostnaði á gólffermetra í vísitöluhúsinu, eins og hann er ár hvert. Gjaldskráin skal því aðeins breytast einu sinni á ári, þ. e. 1, janúar í samræmi við breytingu á vísitölu byggingarkostnaðar. (Vísitala byggingarkostnaðar er 101 stig 1. janúar 1976 og byggingarkostnaður á gólffermetra í vísitöluhúsinu kr. 51 050 frá sama tíma).
3. gr.
Gjaldstuðlar til ákvörðunar gatnagerðargjaldi, samkvæmt 1. og 2. gr. skulu vera sem hér segir:
a) Verslunar- og skrifstofuhús 2.0%
b) Einbýlishús 1.5%
c) Tvíbýlis- og parhús 1.1%
d) Rað- og keðjuhús ein hæð 1.0%
e) Rað- og keðjuhús tvær hæðir 0.9%
f) Fjölbýlishús 0.5%
g) Iðnaðar- og atvinnuhús 1.0%
h) Bifreiðageymslur og geymslurými 0.7%
i) Gripahús o.fl. 0.4%
4. gr.
Gatnagerðargjaldi fylgir lögveð í fasteign þeirri, sem það er lagt á, og gengur það, ásamt vöxtum, fyrir öllum veðkröfum, sem á eigninni hvíla, og tekur einnig til vátryggingarfjár eignarinnar.
Heimilt er að taka gjöld þessi lögtaki skv. lögum nr. 29/1885.
Reglugerð þessi, sem samin er og samþykkt af hreppsnefnd Fellahrepps, staðfestist hér með samkvæmt lögum nr. 51/1974 og 31/1975 til þess að öðlast gildi þegar í stað.
Félagsmálaráðuneytið. 24. júní 1976.
F. h. r. Hallgrímur Dalberg.
Skúli Sigurðsson.