Leita
Hreinsa Um leit

Efnahags- og viðskiptaráðuneyti

215/2010

Reglugerð um breytingu á reglugerð nr. 243/2006, um gildistöku reglugerðar framkvæmdastjórnarinnar nr. 809/2004 um framkvæmd tilskipunar Evrópuþingsins og ráðsins 2003/71/EB að því er varðar upplýsingar í lýsingum, svo og framsetningu þeirra, upplýsingar felldar inn með tilvísun, og birtingu lýsinganna, svo og dreifingu auglýsinga.

1. gr.

Reglugerð þessi er sett vegna gildistöku reglugerðar framkvæmdastjórnarinnar (EB) nr. 1289/2008 frá 12. desember 2008, um breytingu á reglugerð framkvæmdastjórnarinnar nr. 809/2004 um framkvæmd tilskipunar Evrópuþingsins og ráðsins 2003/71/EB að því er varðar upplýsingar í lýsingum, svo og framsetningu þeirra, upplýsingar felldar inn með tilvísun, og birtingu lýsinganna, svo og dreifingu auglýsinga.

2. gr.

Ákvæði 35. gr. reglugerðar framkvæmdastjórnarinnar nr. 809/2004 eins og hún var innleidd með reglugerð nr. 243/2006 var breytt með reglugerð framkvæmdastjórnarinnar (EB) nr. 1287/2006, sem er fylgiskjal I með reglugerð nr. 169/2007 um breytingu á reglugerð nr. 243/2006 um gildistöku reglugerðar framkvæmdastjórnarinnar nr. 809/2004 um framkvæmd tilskipunar Evrópuþingsins og ráðsins 2003/71/EB að því er varðar upplýsingar í lýsingum svo og framsetningu þeirra, upplýsingar felldar inn með tilvísun og birtingu lýsinganna, svo og dreifingu auglýsinga. Texti 35. gr. eins og hann átti að hljóða eftir þá breytingu er birtur í fylgiskjali I með reglugerð þessari (en fyrir mistök var öll 35. gr. felld úr gildi með 2. mgr. 3. gr. reglugerðar nr. 169/2007).

Með reglugerð þessari öðlast gildi hér á landi reglugerð framkvæmdastjórnarinnar (EB) nr. 1289/2008 um breytingu á reglugerð framkvæmdastjórnarinnar nr. 809/2004 um framkvæmd tilskipunar Evrópuþingsins og ráðsins 2003/71/EB að því er varðar þætti sem tengjast lýsingum og auglýsingum, merkt fylgiskjal II með reglugerð þessari.

Reglugerð þessi felur í sér breytingar á 35. gr. reglugerðar framkvæmdastjórnarinnar nr. 809/2004 eins og hún var innleidd með reglugerð nr. 243/2006. Í fylgiskjali III með reglugerð þessari er 35. gr. reglugerðar framkvæmdastjórnarinnar (EB) nr. 809/2004 birt í heild sinni eins og greinin hljóðar nú eftir breytingar samkvæmt fylgiskjali II.

3. gr.

Ef ósamræmi er á milli íslensks og ensks texta reglugerðar framkvæmdastjórnarinnar nr. 1289/2008 skal skýra íslenska textann með hliðsjón af enska textanum.

4. gr.

Reglugerð þessi, sem sett er með heimild í 54. gr. laga um verðbréfaviðskipti nr. 108/2007, með síðari breytingum, öðlast þegar gildi.

Efnahags- og viðskiptaráðuneytinu, 2. mars 2010.

Gylfi Magnússon.

Jónína S. Lárusdóttir.

Fylgiskjöl.
(sjá PDF-skjal)




Þetta vefsvæði byggir á Eplica