663/2003

Reglugerð um breytingu á reglugerð um einkennisbúninga, merki og búnað lögreglumanna, nr. 528 18. ágúst 1997, með síðari breytingum. - Brottfallin

663/2003

Fyrirsögn töluliðar 9.2 orðast svo: Afleysingamenn og héraðslögreglumenn.

Eftirfarandi breytingar verða á 11. kafla reglugerðarinnar:

a.	Fyrirsögn töluliðar 11.3 orðast svo: Varalögreglustjóri í Reykjavík og staðgenglar lögreglustjóra.
b.	Töluliður 11.4 fellur brott og breytist röð liða samkvæmt því.
c.	Fyrirsögn töluliðar 11.5, er verður töluliður 11.4, orðast svo:
	Yfirlögregluþjónar.
d.	Fyrirsögn töluliðar 11.6, er verður töluliður 11.5, orðast svo:
	Aðstoðaryfirlögregluþjónar.
e.	Fyrirsögn töluliðar 11.7, er verður töluliður 11.6, orðast svo:
	Aðalvarðstjórar/Lögreglufulltrúar.
f.	Fyrirsögn töluliðar 11.8, er verður töluliður 11.7, orðast svo:
	Varðstjórar/Rannsóknarlögreglumenn.
g.	Fyrirsögn töluliðar 11.9, er verður töluliður 11.8, orðast svo: Aðstoðarvarðstjórar.
h.	Töluliðir 11.10, 11.11, 11.12, 11.13 og 11.14 falla brott.
i.	Tveir nýir töluliðir bætast við, svohljóðandi:
	11.9	Lögreglumenn.
		Á smeygnum skal vera einn gylltur borði, 6 mm, nær axlarbrún og einn borði, 3 mm, nær kraga.
	11.10	Lögreglunemar, afleysingamenn í lögreglu og héraðslögreglumenn.
		Á smeygnum skal vera einn gylltur borði, 3 mm, nær kraga.

Reglugerð þessi, sem sett er samkvæmt 40. gr. lögreglulaga nr. 90 13. júní 1996, öðlast þegar gildi.