294/2026

Reglugerð um breytingu á reglugerð um söfnun meðmæla og skil framboða og framboðslista fyrir kosningar, nr. 254/2024.

1. gr.

Í stað orðanna "rafræn skilríki" í 3. mgr. 8. gr. reglugerðarinnar, kemur: rafræna auðkenningu.

2. gr.

Eftirfarandi breytingar verða á 10. gr. reglugerðarinnar:

1. 2. mgr. orðast svo: Rafrænt kerfi til söfnunar meðmæla lokar þegar framboðsfresti lýkur, en yfirkjörstjórn eða landskjörstjórn skal loka fyrir söfnun meðmæla hjá framboði þegar því er skilað.
2. Í stað orðanna "þar sem kemur fram hvernig stofna skal til rafrænnar söfnunar meðmæla" í 3. mgr., kemur: um notkun rafræna meðmælendakerfisins.
3. Við 1. málsl. 4. mgr. bætist: og jafnframt fært inn í það þau meðmæli sem skilað hefur verið á blöðum.
4. Við 2. málsl. 4. mgr. bætist: og færa inn meðmæli af blöðum.
5. Á eftir orðunum "meðmæli sín" í 6. mgr., kemur: og dregið þau til baka.

3. gr.

Eftirfarandi breytingar verða á 11. gr. reglugerðarinnar:

1. Á eftir orðunum "blaðsíðunúmeri og" í 3. mgr., kemur: er miðað við.
2. 5. mgr. orðast svo: Landskjörstjórn og yfirkjörstjórn sveitarfélaga, geta óskað eftir því við framboð að meðmælendalistar sem skilað er á blöðum séu jafnframt slegnir inn í meðmælendakerfið.

4. gr.

Á eftir orðunum "skal landskjörstjórn" í 4. mgr. 20. gr. reglugerðarinnar, kemur: eða yfirkjörstjórn sveitarfélags; og við málsgreinina bætist: eigi síðar en sex mánuðum eftir kjördag.

5. gr.

Við 2. málsl. 21. gr. reglugerðarinnar bætist: í forsetakjöri og kosningum til Alþingis en til yfirkjörstjórnar viðkomandi sveitarfélags í kosningum til sveitarstjórna.

6. gr.

2. málsl. d-liðar 2. mgr. 25. gr. reglugerðarinnar fellur brott; og við stafliðinn bætist nýr málsliður, svohljóðandi: Sé lögheimili í fjölkjarna sveitarfélagi er heimilt að tilgreina heiti þess byggðakjarna sem það stendur í.

7. gr.

2. málsl. d-liðar 2. mgr. 27. gr. reglugerðarinnar fellur brott; og við stafliðinn bætist nýr málsliður, svo­­hljóðandi: Sé lögheimili í fjölkjarna sveitarfélagi er heimilt að tilgreina heiti þess byggðakjarna sem það stendur í.

8. gr.

Reglugerð þessi er sett með heimild í 1. og 2. mgr. 41. gr. og 1. mgr. 47. gr. kosningalaga nr. 112/2021 og tekur þegar gildi.

B deild - Útgáfudagur: 26. mars 2026