Reglugerð um breytingu á reglugerð um framkvæmd utankjörfundaratkvæðagreiðslu á stofnunum og í heimahúsum, nr. 446/2024.
Stofnreglugerð:
1. gr.
Í stað orðanna "Um auglýsingu og tilkynningu til umboðsmanna fer skv. 3. mgr. 5. gr." í 2. mgr. 6. gr. reglugerðarinnar, kemur: Eigi síðar en tveimur dögum fyrir kjördag skal kjörstjóri birta auglýsingu um atkvæðagreiðslurnar, en að öðru leyti fer um auglýsingu og tilkynningu til umboðsmanna skv. 3. mgr. 5. gr.
2. gr.
Í stað orðanna "Um auglýsingu og tilkynningu til umboðsmanna fer skv. 3. mgr. 5. gr." í 2. mgr. 7. gr. reglugerðarinnar, kemur: Eigi síðar en tveimur dögum fyrir kjördag skal kjörstjóri birta auglýsingu um atkvæðagreiðslurnar, en að öðru leyti fer um auglýsingu og tilkynningu til umboðsmanna skv. 3. mgr. 5. gr.
3. gr.
Í stað orðanna "landskjörstjórn birtir á vef sínum" í 1. málsl. 1. mgr. 10. gr. reglugerðarinnar, kemur: birt er á vef sýslumanna og landskjörstjórnar; og á eftir orðinu "borist" í 3. málsl. 1. mgr. 10. gr. reglugerðarinnar, kemur: hlutaðeigandi.
4. gr.
Í stað orðanna "er kjörstjóra heimilt að" í 3. mgr. 11. gr. reglugerðarinnar, kemur: skal kjörstjóri.
5. gr.
Reglugerð þessi er sett með heimild í 7. mgr. 69. gr. kosningalaga nr. 112/2021 og tekur þegar gildi.
Dómsmálaráðuneytinu, 23. mars 2026.
Þorbjörg S. Gunnlaugsdóttir.
Páll Winkel.
B deild - Útgáfudagur: 26. mars 2026