Reglugerð um (7.) breytingu á reglugerð nr. 653/2001 um hámark dýralyfjaleifa í sláturafurðum, eggjum og mjólk. - Brottfallin

Stofnreglugerð:

653/2001 Reglugerð um hámark dýralyfjaleifa í sláturafurðum, eggjum og mjólk.

Felld brott með:

167/2015 Reglugerð um lyfjafræðilega virk efni og flokkun þeirra að því er varðar hámarksgildi leifa í matvælum úr dýraríkinu.

Reglugerð á PDF formi

1. gr.

Reglugerð framkvæmdastjórnar (EB) nr. 75/2005 frá 18. janúar 2005, sem vísað er til í XIII. kafla II. viðauka samningsins um Evrópska efnahagssvæðið, eins og honum var breytt með ákvörðun sameiginlegu EES-nefndarinnar nr. 99/2005, frá 8. júlí 2005, skal öðlast gildi hér á landi með þeim breytingum og viðbótum sem leiðir af reglugerð þessari, II. viðauka samningsins, bókun 1 við samninginn og öðrum ákvæðum hans.

2. gr.

Ofangreind reglugerð framkvæmdastjórnarinnar (EB) er birt sem fylgiskjal við reglugerð þessa.

3. gr.

Með innleiðingu reglugerðar framkvæmdastjórnarinnar (EB) nr. 75/2005 bætist eftirfarandi við reglugerð nr. 653/2001:

A. Kafla 2.3.1. Avermektín í I. viðauka:

Lyfjafræðilega virk efni	Leifamerki	Dýrategundir	MRL	Markvefur
Moxídektín	Moxídektín	Nautgripir	500 µg/kg	Fita
			100 µg/kg	Lifur
			50 µg/kg	Vöðvi, nýra
		Sauðfé	500 µg/kg	Fita
			100 µg/kg	Lifur
			50 µg/kg	Vöðvi, nýra
			40 µg/kg	Mjólk

B. Töflu 2., kafla um lífræn efnasambönd í II. viðauka:

Lyfjafræðilega virk efni	Dýrategundir	Önnur ákvæði
Línulegar alkýlbensensúlfonsýrur með alkýlkeðjulengd á bilinu C₉ til C₁₃ þar sem innan við 2,5% keðjanna eru lengri en C₁₃	Sauðfé	Eingöngu til staðbundinnar notkunar

C. Kafla 1.2.2. Makrólíð í III. viðauka:

Lyfjafræðilega virk efni	Leifamerki	Dýra-tegundir	MRL	Mark- vefur	Önnur ákvæði
Asetýlísóvalerýltýlósín	Samtala asetýlísóvalerýltýlósíns og 3-O-asetýltýlósíns	Alifuglar	50 µg/kg	Húð, fita, lifur	Bráðabirgðagildi fyrir MRL falla úr gildi 1. júlí 2006 Ekki ætlað dýrum sem gefa af sér egg til manneldis

4. gr.

Reglugerð þessi er sett með heimild í lögum nr. 96/1997 um eldi og heilbrigði sláturdýra, slátrun, vinnslu, heilbrigðisskoðun og gæðamat á sláturafurðum og lögum nr. 66/1998 um dýralækna og heilbrigðisþjónustu við dýr, ásamt síðari breytingum. Reglugerðin öðlast þegar gildi.

Landbúnaðarráðuneytinu, 21. ágúst 2007.

Einar K. Guðfinnsson.

Baldur P. Erlingsson.

Fylgiskjal.
(sjá PDF-skjal)