59/2020

Reglugerð um (15.) breytingu á reglugerð nr. 560/2014 um gildistöku reglugerðar framkvæmdastjórnarinnar (EB) nr. 798/2008 um skrár yfir þriðju lönd, yfirráðasvæði, svæði eða hólf, þaðan sem leyfður er innflutningur til Bandalagsins og umflutningur um Bandalagið á alifuglum og alifuglaafurðum, og um kröfur vegna heilbrigðisvottana fyrir dýr og dýraafurðir.

1. gr.

Við 1. gr. reglugerðarinnar bætist tveir nýir töluliðir, 51. og 52. tölul., svohljóðandi:

51. Framkvæmdarreglugerð framkvæmdastjórnarinnar (ESB) 2019/1395 frá 10. september 2019 um breytingu á I. viðauka við reglugerð (EB) nr. 798/2008 að því er varðar færslurnar fyrir Bosníu og Hersegóvínu og Ísrael og heiti Lýðveldisins Norður-Makedóníu í skránni yfir þriðju lönd, yfirráðasvæði, svæði eða hólf þaðan sem leyfður er innflutningur til Sambands­ins og umflutningur um Sambandið á tilteknum alifuglavörum og um breytingu á fyrirmynd­inni að heilbrigðisvottorði fyrir eggjaafurðir.
52. Framkvæmdarreglugerð framkvæmdastjórnarinnar (ESB) 2019/1872 frá 7. nóvember 2019 um breytingu á I. viðauka við reglugerð (EB) nr. 798/2008 að því er varðar færsluna fyrir Japan í skránni yfir þriðju lönd, yfirráðasvæði, svæði eða hólf þaðan sem leyfður er innflutn­ingur til Sambandsins eða umflutningur um Sambandið á tilteknum alifuglavörum.

 

2. gr.

Ofangreindar framkvæmdarreglugerðir framkvæmdastjórnarinnar eru birtar sem fylgiskjöl við reglugerð þessa.

 

3. gr.

Reglugerð þessi er sett með heimild í lögum nr. 93/1995 um matvæli, lögum nr. 54/1990 um innflutning dýra og lögum nr. 25/1993 um dýrasjúkdóma og varnir gegn þeim, öll með síðari breyt­ingum.

 

Atvinnuvega- og nýsköpunarráðuneytinu, 22. janúar 2020.

 

Kristján Þór Júlíusson
sjávarútvegs- og landbúnaðarráðherra.