Leita
Hreinsa Um leit

Félags- og tryggingamálaráðuneyti

991/2010

Reglugerð um orlofs- og desemberuppbætur til lífeyrisþega árið 2011. - Brottfallin

1. gr.

Orlofs- og desemberuppbætur.

Á fjárhæð tekjutryggingar skv. 22. gr. laga nr. 100/2007 um almannatryggingar, með síðari breytingum, og fjárhæð heimilisuppbótar skv. 8. gr. laga nr. 99/2007 um félagslega aðstoð, með síðari breytingum, skal greiða uppbætur á árinu 2011.

2. gr.

Orlofsuppbót.

Í júlí skal greiða 20% uppbót á fjárhæðir skv. 1. gr. sem reiknast miðað við 1/12 af greiðslurétti lífeyrisþega síðustu 12 mánuði fyrir greiðslu uppbótarinnar.

3. gr.

Desemberuppbót.

Í desember skal greiða 30% uppbót á fjárhæðir skv. 1. gr. sem reiknast miðað við 1/12 af greiðslurétti lífeyrisþega á árinu 2011.

4. gr.

Gildistaka.

Reglugerð þessi, sem sett er með stoð í 70. gr., sbr. 69. gr., laga nr. 100/2007 um almannatryggingar, með síðari breytingum, og 2. mgr. 14. gr. laga nr. 99/2007 um félagslega aðstoð, með síðari breytingum, öðlast gildi 1. janúar 2011. Jafnframt fellur úr gildi reglugerð nr. 1014/2009, um eingreiðslur til elli- og örorkulífeyrisþega árið 2010.

Félags- og tryggingamálaráðuneytinu, 17. desember 2010.

Guðbjartur Hannesson.

Ágúst Þór Sigurðsson.




Þetta vefsvæði byggir á Eplica