Prentað þann 23. apríl 2024
875/1999
Reglugerð um sameiningu heilbrigðisstofnana
1. gr.
Heilbrigðis- og tryggingamálaráðherra hefur ákveðið að sameina eftirtaldar heilbrigðisstofnanir:
Heilbrigðisstofnun Austurlands og hjúkrunarheimilið Sundabúð á Vopnafirði undir nafninu Heilbrigðisstofnun Austurlands. Stofnunin skal heyra undir stjórn Heilbrigðisstofnunar Austurlands.
Heilbrigðisstofnunin á Húsavík og heilsugæslustöð Norður-Þingeyjarsýslu undir nafninu Heilbrigðisstofnun Þingeyinga. Ráðherra skipar hinni sameinuðu heilbrigðisstofnun fimm manna stjórn og fer um skipun hennar skv. ákvæðum 3. mgr. 30. gr. laga nr. 97/1990 um heilbrigðisþjónustu.
2. gr.
Reglugerð þessi er sett með stoð í 2. ml. 2. mgr. 24. gr., sbr. 2. mgr. 12. gr. laga nr. 97/1990 um heilbrigðisþjónustu og tekur gildi 1. janúar 2000.
Heilbrigðis- og tryggingamálaráðuneytinu, 21. desember 1999.
Ingibjörg Pálmadóttir.
Davíð Á. Gunnarsson.
Fyrirvari
Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.
Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.