Fara beint í efnið

Prentað þann 29. mars 2024

Stofnreglugerð

706/2018

Reglugerð um fjárhæð dagsekta vegna vanrækslu sveitarfélaga.

1. gr.

Um lágmarks- og hámarksfjárhæð dagsekta sem ráðuneytið leggur á sveitarfélög vegna vanrækslu á lögbundnum skyldum skv. 116. gr. sveitarstjórnarlaga, nr. 138/2011, fer eftir ákvæðum reglugerðar þessarar.

2. gr.

Dagsektir skulu að lágmarki nema kr. 25.000 og að hámarki kr. 300.000 á dag frá þeim degi sem þær eru ákvarðaðar og fram að þeim degi sem skyldu er fullnægt að mati ráðuneytisins.

Við ákvörðun á fjárhæð dagsekta skal taka mið af alvarleika brots og íbúafjölda sveitarfélags.

3. gr.

Reglugerð þessi, sem sett er á grundvelli 2. mgr. 116. gr. sveitarstjórnarlaga, nr. 138/2011, öðlast þegar gildi.

Samgöngu- og sveitarstjórnarráðuneytinu, 29. júní 2018.

Sigurður Ingi Jóhannsson.

Ragnhildur Hjaltadóttir.

Fyrirvari

Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.

Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.