Fara beint í efnið

Prentað þann 29. mars 2024

Breytingareglugerð

1642/2021

Reglugerð um breytingu á reglugerð um fjárhagslegar viðmiðanir, nr. 162/2021.

1. gr.

Eftirfarandi breytingar verða á 1. gr. reglugerðarinnar:

  1. Í stað orðanna "ákvörðun sameiginlegu EES-nefndarinnar nr. 238/2019 frá 27. september 2019" í inngangsmálslið greinarinnar kemur: ákvörðunum sameiginlegu EES-nefndarinnar nr. 238/2019 frá 27. september 2019 og nr. 388/2021 frá 10. desember 2021.
  2. Við greinina bætast tveir nýir töluliðir, svohljóðandi:

    1. Framkvæmdarreglugerð framkvæmdastjórnarinnar (ESB) 2021/1847 frá 14. október 2021 um tilgreiningu á lögboðinni viðmiðun til að taka við af tilteknum útgáfum af CHF LIBOR-vöxtum, sem er birt í fylgiskjali með reglugerð þessari.
    2. Framkvæmdarreglugerð framkvæmdastjórnarinnar (ESB) 2021/1848 frá 21. október 2021 um tilgreiningu á viðmiðun til að taka við af millibankadagvöxtum í evrum, sem er birt í fylgiskjali með reglugerð þessari.

2. gr.

Við reglugerðina bætast tvö ný fylgiskjöl sem eru birt með reglugerð þessari.

3. gr.

Reglugerð þessi, sem sett er með stoð í 1. mgr. 13. gr. laga um fjárhagslegar viðmiðanir, nr. 7/2021, öðlast gildi 1. janúar 2022. Þó skal síðari töluliður b-liðar 1. gr ekki öðlast gildi fyrr en 3. janúar 2022.

Fjármála- og efnahagsráðuneytinu, 29. desember 2021.

F. h. fjármála- og efnahagsráðherra,

Guðrún Þorleifsdóttir.

Gunnlaugur Helgason.

Fyrirvari

Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.

Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.