1. gr.
Í stað "1. málsl." í 2. gr. kemur: 2. málsl.
2. gr.
3. gr. reglugerðarinnar orðast svo:
Aðili, sem selur virðisaukaskattsskylda vöru eða þjónustu fyrir minna en 1.400.000 kr. á heilu almanaksári, skal á næsta almanaksári nota það sem uppgjörstímabil.
Ákvæði 1. mgr. tekur ekki til eftirtalinna aðila:
Aðilar sem eru að hefja starfsemi skulu nota almanaksárið sem uppgjörstímabil. Þetta á þó ekki við í eftirfarandi tilvikum:
Skattstjóri skal tilkynna aðila sem gerir upp virðisaukaskatt skv. 1. gr. um breytt uppgjörstímabil hafi hann verið á virðisaukaskattsskrá heilt almanaksár og velta hans í virðisaukaskattsskyldri starfsemi undanfarið almanaksár verið undir þeim fjárhæðarmörkum sem greinir í 1. mgr. Þó skal aðili ekki færast í ársskil ef reiknað endurgjald eða meðallaun sem greidd hafa verið samkvæmt skilagreinum staðgreiðslu eru 100.000 kr. eða hærri á mánuði.
Skattstjóri skal tilkynna aðila sem gerir upp virðisaukaskatt skv. 1. mgr. um breytt uppgjörstímabil þegar fyrir liggur að velta hans á viðkomandi almanaksári hafi farið umfram 1.400.000 kr.
Fari velta þess aðila sem notar almanaksárið sem uppgjörstímabil umfram 3.000.000 kr. skal hann á næsta gjalddaga almennra uppgjörstímabila, sbr. 1. gr., gera upp mismun þess útskatts og innskatts sem fallið hefur á sölu og kaup skattaðila á almanaksárinu. Frá og með því uppgjörstímabili ber honum að gera upp virðisaukaskatt á gjalddögum almennra uppgjörstímabila skv. 1. gr.
Þeim sem notar almanaksárið sem uppgjörstímabil er heimilt að gera skil á virðisaukaskatti viðkomandi árs á gjalddaga þess almenna uppgjörstímabils sem starfsemi lýkur á.
Hafi aðili sem notar almanaksárið sem uppgjörstímabil ekki skilað lögboðinni virðisaukaskattsskýrslu vegna undanfarins almanaksárs getur skattstjóri gert honum að gera upp virðisaukaskatt næsta almanaksárs þar á eftir samkvæmt almennum uppgjörstímabilum, sbr. 1. gr. Skattstjóri skal tilkynna aðila um breytt uppgjörstímabil samkvæmt þessu ákvæði.
3. gr.
Í stað orðsins "skattskylda" í 5. gr. kemur orðið: virðisaukaskattsskylda.
4. gr.
Eftirfarandi breytingar verða á 6. gr. reglugerðarinnar:
5. gr.
Í stað orðanna "gera upp virðisaukaskatt skv. 3. gr." í 4. mgr. 10. gr. kemur: nota almanaksárið sem uppgjörstímabil, sbr. 3. gr.,.
6. gr.
Á undan "2. mgr." í 1. mgr. 11. gr. kemur: 1. málsl.
7. gr.
Reglugerð þessi, sem sett er með heimild í 1. mgr. 24. gr. og 1. mgr. 49. gr. laga nr. 50/1988 tekur gildi 1. janúar 2007. Þó skulu aðilar sem höfðu veltu af virðisaukaskattsskyldri starfsemi á árinu 2006 á bilinu 800.000 kr. til 1.399.999 kr. eiga val um það hvort þeir nota almanaksárið 2007 sem uppgjörstímabil eða almenn uppgjörstímabil, sbr. 1. gr.
Fjármálaráðuneytinu, 18. desember 2006.
F. h. r.
Baldur Guðlaugsson.
Vala R. Þorsteinsdóttir.