Reglugerð um (6.) breytingu á reglugerð nr. 205/2023 um lífræna framleiðslu og merkingu lífrænt ræktaðra vara.

Stofnreglugerð:

205/2023 Reglugerð um lífræna framleiðslu og merkingu lífrænt ræktaðra vara.

Reglugerð á PDF formi

1. gr.

Við 1. gr. reglugerðarinnar bætist nýr töluliður, svohljóðandi:

Framkvæmdarreglugerð framkvæmdastjórnarinnar (ESB) 2025/1470 frá 23. júlí 2025 um fyrirkomulag við birtingu skránna yfir rekstraraðila og hópa rekstraraðila og mikilvægra upplýsinga sem varða vottorð sem eru gefin út handa rekstraraðilum og hópum rekstraraðila í samræmi við 1. mgr. 35. gr. reglugerðar Evrópuþingsins og ráðsins (ESB) 2018/848. Reglugerðin var felld inn í EES-samninginn með ákvörðun sameiginlegu EES-nefndarinnar nr. 66/2026 frá 20. mars 2026. Reglugerðin er birt í EES-viðbæti við Stjórnartíðindi Evrópusambandsins nr. 30 frá 7. maí 2026, bls. 105.

2. gr.

Matvælastofnun fer með eftirlit með því að ákvæðum þessarar reglugerðar sé framfylgt í samræmi við 6. gr. laga um matvæli, nr. 93/1995, og II. kafla laga um eftirlit með fóðri, áburði og sáðvöru, nr. 22/1994.

3. gr.

Reglugerð þessi er sett samkvæmt heimild í 31. gr. a laga um matvæli, nr. 93/1995, og 7. gr. laga um eftirlit með fóðri, áburði og sáðvöru, nr. 22/1994.

Reglugerðin öðlast þegar gildi.

Atvinnuvegaráðuneytinu, 21. maí 2026.

F. h. r.

Bryndís Hlöðversdóttir.

Donika Kolica.

B deild - Útgáfudagur: 22. maí 2026