471/2001

Reglugerð um greiðslur sjúkratrygginga fyrir lýtalækningar og fegrunaraðgerðir. - Brottfallin

Sjúkratryggingar greiða kostnað samkvæmt almannatryggingalögum vegna lýtalækninga, annarra en fegrunarlækninga, innan og utan sjúkrahúsa.

Sjúkratryggingar greiða ekki fyrir fegrunarlækningar, hvorki innan eða utan sjúkrahúsa. Til fegrunaraðgerða teljast:

a.	Andlits- og ennislyfting.
b.	Lagfæringar á augnalokum vegna húðfellinga eða augnpoka.
c.	Aðgerðir á andliti og eyrum til að lagfæra minniháttar útlitsafbrigði, önnur en ör.
d.	Brjóstastækkun.
e.	Brjóstalyfting.
f.	Hárflutningur eða hárígræðsla vegna skalla.
g.	Fitusogun, nema til að tæma fituæxli og lagfæra ör.
h.	Efnaesting til að slétta hrukkur.
i.	Strekking á magahúð í fegrunarskyni.
j.	Háreyðing með lasertækni.
k.	Laser- og diathermiaðgerðir við útvíkkuðum æðum í húð sem ekki valda öðrum einkennum en roða.

Reglugerð þessi, sem sett er með stoð í 66. gr., sbr. 34. og b-lið 1. mgr. 36. gr., laga nr. 117/1993 um almannatryggingar, með síðari breytingum, öðlast gildi 1. júlí 2001. Frá sama tíma fellur reglugerð nr. 83/1991 um greiðslur fyrir sjúkratryggða vegna lýtalækninga úr gildi.