402/2025

Reglugerð um breytingu á reglugerð um vegabréfsáritanir, nr. 795/2022.

1. gr.

Ákvæði 2. mgr. 1. gr. reglugerðarinnar verður svohljóðandi:

Ákvæði þessarar reglugerðar gilda um alla ríkisborgara þriðju ríkja, sem verða að hafa vegabréfs­áritun til að fara yfir ytri landamæri aðildarríkjanna, sbr. viðauka 8 og 9 þar sem talin eru upp þriðju ríki hverra ríkisborgarar verða að hafa vegabréfsáritun til að fara yfir ytri landamæri aðildarríkjanna og þriðju ríki hverra ríkisborgarar eru undanþegnir þeirri kvöð, sbr. þó rétt ríkis­borgara þriðju ríkja sem eru aðstandendur íslenskra ríkisborgara eða EES- eða EFTA-útlendinga, til frjálsrar farar og dvalarrétt ríkisborgara þriðju ríkja í gistiríki, sem eru aðstandendur breskra ríkis­borgara sem njóta réttinda samkvæmt samningnum um útgöngu Sameinaða konungsríkisins Stóra-Bretlands og Norður-Írlands úr Evrópusambandinu og Kjarnorkubandalagi Evrópu (útgöngu­samn­ingnum milli ESB og Bretlands).

 

2. gr.

Eftirfarandi breytingar verða á 3. gr. reglugerðarinnar:

1. b-liður 3. mgr. orðast svo: ríkisborgarar þriðju ríkja sem eru handhafar gilds dvalarleyfis, sem gefið er út af aðildarríki sem tekur ekki þátt í samþykkt reglugerðar (ESB) nr. 810/2009 um vegabréfsáritanir eða af aðildarríki sem beitir Schengen-réttarreglunum ekki að fullu enn sem komið er, eða ríkisborgarar þriðju ríkja sem eru handhafar eins af þeim gildu dvalar­leyfum sem tilgreind eru í skránni í 5. viðauka og gefin eru út af Andorra, Kanada, Japan, San Marínó, Bretlandi eða Bandaríkjunum, sem ábyrgjast skilyrðislausa endurviðtöku viðkomandi, eða handhafar gilds dvalarleyfis í einu eða fleiri löndum og yfirráðasvæðum Hollands (Arúba, Curaçao, Sankti Martin, Bonaire, Sankti Estatíusey og Saba),
2. d-liður 3. mgr. orðast svo: aðstandendur íslenskra ríkisborgara, EES- eða EFTA-útlendinga og aðstandendur breskra ríkisborgara sem njóta réttinda samkvæmt útgöngusamningnum milli ESB og Bretlands, eins og um getur í 2. mgr. 1. gr.

 

3. gr.

Ákvæði 20. gr. reglugerðarinnar fellur brott.

 

4. gr.

Viðauki 1 við reglugerðina breytist og er birtur sem viðauki við reglugerð þessa.

 

5. gr.

Viðauki 3 við reglugerðina fellur brott.

 

6. gr.

Í viðauka 5 er eftirfarandi umfjöllun bætt við á eftir umfjöllun um "SAN MARÍNÓ":

BRESKA KONUNGSRÍKIÐ:

- UK Biometric Residence Permit (BRP) (dvalarleyfi í Breska konungsríkinu með lífkennum) (fyrir ríkisborgara landa utan ESB).

 

7. gr.

Reglugerð þessi er sett með heimild í lögum um útlendinga, nr. 80/2016, og öðlast þegar gildi.

 

Dómsmálaráðuneytinu, 28. mars 2025.

 

Þorbjörg Sigríður Gunnlaugsdóttir.

Haukur Guðmundsson.

 

VIÐAUKI
(sjá PDF-skjal)