Reglugerð um breytingu á reglugerð nr. 830/2011 um ökuskírteini.
1. gr.
Í stað "Til fullra 70 ára aldurs" í töflu þar sem tilgreindir eru ökuréttindaflokkar í 6. gr. kemur: 15.
2. gr.
1. málsl. 3. mgr. 22. gr. orðist svo:
Gildistími fullnaðarskírteinis fyrir sömu flokka er fimmtán ár, þó aldrei lengur en til 70 ára aldurs, utan ökuskírteinis til farþegaflutninga í atvinnuskyni fyrir B-flokk, sbr. 1. tölulið 5. mgr.
3. gr.
Í stað "13. janúar" í 2. mgr. 52. gr. kemur: 19. janúar.
4. gr.
Á undan málsgrein sem hefst á orðunum "Þrátt fyrir ákvæði 11. gr." í ákvæði til bráðabirgða kemur ný málsgrein sem orðast svo:
Ökuskírteini fyrir A-flokk útgefið fyrir 19. janúar 2013, til þess sem hafði ekki náð 21 árs aldri við útgáfu ökuskírteinisins, veitir rétt til að stjórna bifhjóli í A-flokki tveimur árum eftir útgáfuna, sbr. 6. og 15. gr. reglugerðar nr. 501/1997.
5. gr.
Reglugerð þessi, sem sett er samkvæmt 52. gr., sbr. 51. gr. umferðarlaga, nr. 50 frá 30. mars 1987, öðlast þegar gildi.
Innanríkisráðuneytinu, 17. janúar 2013.
Ögmundur Jónasson.
Sigurbergur Björnsson.