Reglugerð um rokgjörn lífræn efnasambönd í málningu, lakki og efnum til lakkviðgerða ökutækja.

Efnavara sem fellur undir reglugerðina.

1. Málning og lakk ætlað til yfirborðsmeðferðar á mannvirkjum og innréttingum þeim tengdum. Undirflokkar til merkinga á efnavöru sbr. 6. gr.

a) „Matt yfirborðsefni fyrir veggi og loft innanhúss.“ Á við um yfirborðsefni með gljástig ≤ 25@60° sem ætlað er fyrir veggi og loft innanhúss.

b) „Gljáandi yfirborðsefni fyrir veggi og loft innanhúss.“ Á við um yfirborðsefni með gljástig > 25@60° sem ætlað er fyrir veggi og loft innanhúss.

c) „Yfirborðsefni til notkunar utanhúss á veggi úr steinefnum.“ Á við um yfirborðsefni sem ætlað er til notkunar utanhúss á veggi úr múr, múrsteinum, steinsteypu eða veggi með múrhúð.

d) „Pensillakk fyrir við, málm eða plast innan- og utanhúss.“ Á við um yfirborðsefni sem ætlað er til að mynda þekjandi filmu til að snyrta eða lagfæra. Ætlað fyrir undirlag úr viði, málmi eða plasti. Í þessum undirflokki er einnig grunn- og millimálning.

e) „Glært eða gagnsætt lakk og viðarvörn til notkunar innan- og utanhúss.“ Á við um yfirborðsefni sem er borið á við, málm eða plast og myndar glæra eða hálfgagnsæja filmu til skrauts og verndar. Þessi undirflokkur nær yfir þekjandi viðarvörn eins og skilgreint er í staðli EN 927-1:1996, í flokki hálfstöðugra efna.

f) „Viðarvörn með lágmarksfilmuþykkt.“ Á við um viðarvörn sem, í samræmi við staðal EN 927-1:1996, hefur þykkt sem er að meðaltali minni en 5 µm í prófun sem er gerð samkvæmt ISO staðli 2808:1997, aðferð 5A.

g) „Grunnur.“ Á við um yfirborðsefni með lokandi og/eða einangrandi eiginleika sem er ætlað til notkunar á við eða veggi og loft.

h) „Bindigrunnur.“ Á við um yfirborðsefni sem er notað til að festa lausar agnir undirlagsins eða veita vatnsfælni eiginleika og/eða vernda við gegn gráma.

i) „Eins þáttar yfirborðsefni.“ Á við um yfirborðsefni með sérstaka filmumyndandi eiginleika. Efnið er notað í sérstökum tilgangi, t.d. sem grunnur og yfirmálning fyrir plastefni, grunnur fyrir járnbundin efni, grunnur fyrir ál, sink og aðra hvarfgjarna málma, tæringarvarnarmálning, gólfmálning, þ.m.t. fyrir viðar- og steingólf, málning gegn veggjakroti, eldvarnarmálning og sem málning sem þarf að uppfylla heilbrigðisstaðla í matvæla- og drykkjarvöruiðnaði og á sviði heilsugæslu.

j) „Tveggja þátta yfirborðsefni.“ Á við um yfirborðsefni sem er notað í sama tilgangi og eins þáttar yfirborðsefni þar sem öðrum þætti er bætt í (t.d. þrígreind amín) áður en það er borið á.

k) „Marglita yfirborðsefni.“ Á við um yfirborðsefni sem er ætlað að gefa tveggja lita eða marglita áferð um leið og það er borið á.

l) „Hrif yfirborðsefni.“ Á við um yfirborðsefni sem er ætlað að gefa sérstök, fagurfræðileg áhrif á sérstaklega undirbúnu grunnmáluðu undirlagi og er síðan meðhöndlað með ýmiss konar áhöldum meðan það þornar.

Í liðum a, b, c, i, j, k og l er heimilt í merkingu að skipta út orðinu yfirborðsefni fyrir orðið málning eða lakk eftir því sem við á.

2. Efni til lakkviðgerða ökutækja, undirflokkar til merkinga á efnavöru sbr. 6. gr.

a) „Efnavara til undirbúnings og hreinsunar.“ Á við um efnavöru sem er ætluð til að fjarlægja eldri málningu og ryð, annaðhvort á vélrænan eða efnafræðilegan hátt eða til að gefa viðloðun fyrir ný yfirborðsefni:

i) Efnavara til undirbúnings eins og þvottaþynnir (efnavara sem er ætluð til að hreinsa málningarsprautur og annan búnað), málningarhreinsir, fituhreinsir (m.a. efni sem eyða stöðurafmagni í plasthlutum) og silíkonhreinsir.

ii) „Forhreinsir“ (precleaner): Á við um hreinsiefni sem er ætlað til að fjarlægja óhreinindi af yfirborðsflötum og er liður í undirbúningi áður en yfirborðsefni er borið á.

b) „Spartl og fylliefni“ (bodyfiller/stopper). Á við um efni með mikilli fyllingu sem er ætlað til að fylla í djúpar misfellur í yfirborði áður en fylligrunnur (surfacer/filler) er borinn á.

c) „Grunnur.“ Á við um hvers kyns yfirborðsefni sem er ætlað til að nota á beran málm eða áður áborna fleti til að veita vernd gegn tæringu áður en fylligrunnur (primer surfacer) er borinn á:

i) „Fylligrunnur“ (surfacer/filler). Á við um yfirborðsefni sem bera skal á áður en yfirlakk er borið á og er ætlað að veita þol gegn tæringu, til að tryggja viðloðun yfirlakks og til að stuðla að myndun einsleits yfirborðs með því að fylla í minni háttar misfellur í yfirborði.

ii) „Alhliða málmgrunnur“ (general metal primer). Á við um yfirborðsefni sem er borið á sem grunnur, t.d. viðloðunaraukandi efni, þéttiefni, fylligrunnur (surfacer), undirmálning, plastgrunnur, efni sem er borið á blautt í blautt, slípifrí fylliefni (non-sand filler) og úðafylliefni. iii) „Ætigrunnur“ (wash primer). Á við um yfirborðsefni, sem inniheldur a.m.k. 0,5% miðað við þyngd af fosfórsýru, sem borið er beint á bera málmfleti til að veita vörn gegn tæringu og tryggja viðloðun; yfirborðsefni notað sem suðugrunnur og litfestilausn fyrir galvanhúðaða fleti og sinkfleti.

d) „Yfirlakk“ (topcoat). Á við um hvers kyns yfirborðsefni með fastlitarefnum sem borið er á annaðhvort sem eitt lag eða mörg lög til að veita gljáa og endingu. Til þess telst öll efnavara sem notuð er, s.s. undirlakk (base coatings) og glært lakk (clear coatings):

i) „Undirlakk.“ Á við um yfirborðsefni með fastlitarefnum sem ætlað er að gefa lit og hvers kyns ljósfræðileg áhrif en hvorki gljáa né yfirborðsstyrk málningarkerfisins.

ii) „Glært lakk.“ Á við um glært yfirborðsefni sem er ætlað að gefa málningarkerfinu endanlegan gljáa og styrk.

e) „Sérstakt frágangsefni.“ Á við um yfirborðsefni sem er borið á sem yfirmálning sem krefst sérstakra eiginleika, s.s. málmgljáa eða perluáferðar, í einu lagi, litföst hágæðamálning og glært lakk (t.d. efni sem veitir vörn gegn rispum og flúrað glært lakk), endurskinsmálning, málning með sérstakri áferð (t.d. hamraðri), hálkuvarnarmálning, vörn fyrir undirvagna, efni sem veitir vörn gegn steinkasti, innilakk og úðaefni.

A. Viðmiðunargildi fyrir hámarksinnihald rokgjarnra lífrænna efnasambanda í málningu og lakki.

(*) g/l af efnavöru sem er tilbúin til notkunar. vb: Vatnsblönduð yfirborðsefni. lb: Leysiblönduð yfirborðsefni.

B. Viðmiðunargildi fyrir hámarksinnihald rokgjarnra lífrænna efnasambanda í efnavöru til lakkviðgerða ökutækja.

(*) g/l af efnavöru sem er tilbúin til notkunar. Ekki skal taka tillit til vatnsinnihalds efnavörunnar, eins og hún er þegar hún er tilbúin til notkunar, nema í undirflokki a.

Aðferðir sem um getur í 7. gr. reglugerðarinnar.

Viðurkennd aðferð fyrir vörur með allt að 15% massahlutfall rokgjarnra lífrænna efnasambanda þar sem hvarfgjörn þynningarefni eru ekki til staðar.

Viðurkenndar aðferðir fyrir vörur með 15% eða hærra massahlutfall rokgjarnra lífrænna efnasambanda þar sem hvarfgjörn þynningarefni eru ekki til staðar.

Viðurkennd aðferð fyrir vörur sem innihalda rokgjörn lífræn efnasambönd þar sem hvarfgjörn þynningarefni eru til staðar.