921/2003

Reglugerð um breytingu á reglugerð um heilbrigðisþjónustu, lyf og læknisáhöld um borð í íslenskum skipum, nr. 365/1998. - Brottfallin

14. gr. reglugerðarinnar orðist svo:

14.1	Í lyfjakistu hvers skips, að björgunarförum undanskildum, skal vera eintak af handbók lyfjakistu skipa, en í henni er:
	-	Eintak af þessari reglugerð ásamt viðauka I, lista yfir sjúkragögn í lyfjakistu og viðauka II, lista yfir sjúkragögn í sjúkrakassa.
	-	Lyfjaskrá sem gefin er út af Siglingastofnun Íslands í tengslum við þessa reglugerð.
	-	Dagbók lyfjakistu skips.
	-	Tölusett eyðublöð í tvíriti fyrir pantanir
14.2	Einnig skal vera í lyfjakistunni eftirfarandi:
	-	Eyðublöð til notkunar við sjúkdómsgreiningu áður en leitað er aðstoðar læknis í gegnum fjarskipti.
	-	Eintak af lækningabók sjófarenda sem gefin er út af Siglingastofnun Íslands eða eintak af lækningabók sjófarenda sem samþykkt er af Siglingstofnun Íslands í lyfjakistum skipa sem eru flokkuð í A (skip sem fara út fyrir 150 sjómílur frá næstu höfn) og B (skip með mestu lengd 15 metrar eða lengri, sem fara styttri sjóferðir en 150 sjómílur frá næstu höfn) í 3. gr. reglugerðarinnar.
	-	Eintak af lækningabók sjófarenda sem samþykkt er af Siglingstofnun Íslands í lyfjakistum skipa sem eru flokkuð í C (skip með mestu lengd allt að 15 metrum).
14.3	Í lyfjakistu D fyrir björgunarför skal vera stuttur leiðarvísir um skyndihjálp.
14.4	Skip sem flytja hættulegan varning samkvæmt skilgreiningu Alþjóðasiglingamálastofnunarinnar (IMO) skulu hafa um borð nýjustu útgáfu af:
	-	International Maritime Dangerous Goods Code (IMDG Code).
	-	Emergency Procedures for Ships Carrying Dangerous Goods (EMS)
	-	Medical First Aid Guide for Use in Accidents Involving Dangerous Goods (MFAG).

Reglugerð þessi er sett samkvæmt lögum um eftirlit með skipum nr. 74/1998 með síðari breytingum og staðfestist hér með til að öðlast þegar gildi.