Prentað þann 19. apríl 2024
317/1991
Reglugerð um breytingu á reglugerð nr. 62/1984, um bann við áfengisauglýsingum.
1. gr.
2. mgr. 2. gr. orðist svo:
Ákvæðið tekur með sama hætti til auglýsinga sem eingöngu fela í sér firmanafn og/eða firmamerki áfengisframleiðanda. Þó er framleiðanda, sem auk áfengis framleiðir aðrar drykkjarvörur heimilt að nota firmanafn eða merki í tengslum við auglýsingu þeirra drykkja enda skal tekið fram með áberandi hætti að um óáfenga drykki sé að ræða í skilningi áfengislaga og ekki sé vísað til hinnar áfengu framleiðslu. Skal letur sem vísar til hins óáfenga drykkjar ekki vera minna áberandi en letur firmanafnsins og/eða firmamerkisins.
2. gr.
Reglugerð þessi sem sett er skv. 5. mgr. 16. gr. áfengislaga nr. 82/1969, öðlast þegar gildi við birtingu.
Heilbrigðis- og tryggingamálaráðuneytið, 26. júní 1991.
Sighvatur Björgvinsson.
Páll Sigurðsson.
Fyrirvari
Reglugerðir eru birtar í B-deild Stjórnartíðinda skv. 3. gr. laga um Stjórnartíðindi og Lögbirtingablað, nr. 15/2005, sbr. reglugerð um útgáfu Stjórnartíðinda nr. 958/2005.
Sé misræmi milli þess texta sem birtist hér í safninu og þess sem birtur er í útgáfu B-deildar Stjórnartíðinda skal sá síðarnefndi ráða.