35/2011

Reglugerð um daggjöld fyrir hjúkrunar-, dvalar- og dagvistarrými sem ekki eru á föstum fjárlögum árið 2011. - Brottfallin

1. gr.

Daggjöld fyrir hjúkrunarrými og sérhæfða vistun.

Daggjöldum á stofnunum sem ekki eru á föstum fjárlögum er ætlað að mæta eðlilegum rekstrarkostnaði án viðhalds húsnæðis og skulu vera sem hér segir frá 1. janúar 2011:

A. Hjúkrunarrými.

Liður	Viðf.	Heiti stofnunar	Daggjald kr.
401	113	Grenilundur, Grenivík	22.033
401	113	Hvammur, Húsavík	20.946
401	113	Blesastaðir, Skeiðum	20.733
401	113	Sólvellir, Eyrabakka	18.555
401	113	Roðasalir, Kópavogi	18.100
401	113	Sæborg, Skagaströnd	19.740
401	113	Silfurtún, Búðardal	22.300
401	113	Hlévangur, Reykjanesbæ	20.342
401	113	Kirkjuhvoll, Hvolsvelli	21.879
405	101	Hrafnista, Reykjavík	21.293
405	101	Hrafnista, Reykjavík, endurhæfing	25.973
406	101	Hrafnista, Hafnarfirði	21.293
407	101	Grund, Reykjavík	21.038
408	101	Sunnuhlíð, Kópavogi	21.038
409	101	Hjúkrunarheimilið Skjól	21.038
410	101	Hjúkrunarheimilið Eir	20.785
410	101	Hjúkrunarheimilið Eir, endurhæfing	26.836
411	101	Garðvangur, Garði	22.144
412	101	Hjúkrunarheimilið Skógarbær	20.785
412	171	Hjúkrunarheimilið Skógarbær, endurhæfing	26.600
413	101	Droplaugarstaðir, Reykjavík	21.293
414	101	Hjúkrunarheimilið Lundur, Hellu	21.357
415	101	Hulduhlíð, Eskifirði	20.592
416	101	Hornbrekka, Ólafsfirði	20.342
417	101	Naust, Þórshöfn	19.740
418	101	Seljahlíð, Reykjavík	22.033
423	101	Höfði, Akranesi	21.038
424	101	Dvalarheimili aldraðra Borgarnesi	18.762
425	101	Dvalarheimili aldraðra Stykkishólmi	22.570
426	101	Fellaskjól, Grundarfirði	19.021
427	101	Jaðar, Ólafsvík	20.988
428	101	Fellsendi, Búðardal	20.592
429	101	Barmahlíð, Reykhólum	19.498
433	101	Dalbær, Dalvík	20.196
434	101	Öldrunarstofnun Akureyrar	19.322
436	101	Uppsalir, Fáskrúðsfirði	19.607
437	101	Heilbrigðisstofnun Suðausturlands	20.342
438	101	Klausturhólar	19.984
439	101	Hjallatún, Vík	19.984
440	101	Kumbaravogur, Stokkseyri	17.417
441	101	Ás Ásbyrgi, Hveragerði	21.038
442	101	Hraunbúðir, Vestmannaeyjum	19.367
443	101	Holtsbúð, Garðabæ	20.844
445	101	Boðaþing, Kópavogi	21.459
446	101	Mörk, Reykjavík	21.038

Daggjald að fjárhæð 19.552 kr. sem er miðað við RAI 1,00 liggur til grundvallar útreikn­ingi á daggjöldum hjúkrunarrýma.

Daggjald skal greitt þrátt fyrir að vistmaður hverfi af stofnun í stuttan tíma, svo sem til aðstandenda yfir helgi eða hátíðar, enda hafi heilbrigðisyfirvöld ekki aukakostnað af dvöl­inni.

Fari vistmaður á sjúkrahús til skammtímainnlagnar skal greiða 70% af daggjaldi stofn­unar í allt að 45 daga.

Við andlát vistmanns eða þegar vistmaður flytur fyrir fullt og allt af stofnun skal greiða fullt dag­gjald í allt að sjö daga. Ef vistmaður í hvíldarrými andast skal greiða fullt dag­gjald í allt að tvo daga.

Daggjald skal greitt stofnun vegna sjúklinga með langvinna nýrnasjúkdóma þegar þeir vegna blóðskilunar eru innritaðir á sjúkrahús. Sjúkrahúsið greiðir kostnað vegna lyfja­gjafar eins og fyrir aðra blóðskilunarsjúklinga sem skráðir eru inn á það. Greiða skal 1.400 kr. á dag til viðbótar daggjaldi stofnunar fyrir hvern sjúkling með langvinnan nýrna­sjúkdóm sem dvelst á stofnun og þarf blóðskilun á sjúkrahúsi.

B. Sérhæfð vistun.

Stofnun	Viðf.	Heiti stofnunar	Daggjald kr.
477	110	Árborg, dagvistun aldraðra v/minnissjúkra	10.148
441	117	Ás Ásbyrgi, Hveragerði, geðrými	15.237
477	110	Dagvist aldraðra Reykjanesbæ v/minnissjúkra	10.148
477	110	Dagvist Maríuhús Reykjavík	10.148
477	110	Dagvist Eyjafjarðarsveitar	10.148
474	110	Dagvist og endurhæfingarstöð MS-sjúklinga	9.254
477	110	Drafnarhús, Hafnarfirði	10.148
470	110	Dvalarheimili aldraðra heyrnarlausa	11.324
476	110	Fríðuhús, Reykjavík	10.148
477	110	Hrafnista í Reykjavík, dagvist endurhæfing	12.923
410	115	Hjúkrunarheimilið Eir, dagvist v/minnissjúkra	10.148
472	110	Hlíðarbær, Reykjavík	10.148
477	110	Lagarás, Egilsstöðum v/minnissjúkra	10.148
473	110	Lindargata, Reykjavík	10.148
475	110	Múlabær, Reykjavík	6.325
477	110	Roðasalir, Kópavogi	10.148
434	110	Öldrunarstofnun Akureyrar v/minnissjúkra	10.148

2. gr.

Daggjöld fyrir dvalarrými og almenna dagvistun.

Daggjöldum vegna dvalarrýma fyrir aldraða og vegna dagvistunar aldraðra er ætlað að mæta eðlilegum rekstrarkostnaði án viðhalds húsnæðis og skulu vera sem hér segir frá 1. janúar 2011:

1.	Vistgjald á dvalarrými fyrir aldraða	9.641 kr.
2.	Gjald á dagvistun fyrir aldraða	5.002 kr.

Nauðsynlegur flutningskostnaður vistmanna er innifalinn í dagvistunargjaldi. Þeir sem njóta þjónustu dagvistar skulu greiða 875 kr. á dag, sbr. 19. gr. laga nr. 125/1999, um málefni aldraðra, með síðari breytingum.

Vistgjald til dvalarheimilis fyrir aldraða er greitt frá upphafi dvalar og til loka þess mánaðar sem vistmaður er tekinn inn á heimilið. Vistgjald þetta skal ekki hafa áhrif á bætur Tryggingastofnunar ríkisins til vistmannsins, greiðslu Tryggingastofnunar á vistunarframlagi til dvalarheimilisins og þátttöku vistmanns í greiðslu dvalarkostnaðar, sbr. 21. og 22. gr. laga nr. 125/1999, um málefni aldraðra, með síðari breytingum.

3. gr.

Þjónusta í hjúkrunar-, dvalar- og dagvistarrýmum.

Innifalin í daggjöldum samkvæmt reglugerð þessari er hvers konar þjónusta sem vist­mönnum er látin í té á stofnunum, sbr. meðal annars reglugerð nr. 422/1992, um greiðslur öldrunarstofnana fyrir heilbrigðisþjónustu.

4. gr.

Húsnæðisgjald vegna viðhalds.

Tryggingastofnun ríkisins skal greiða gjald til að mæta viðhaldskostnaði húsnæðis sem nýtt er til reksturs á hjúkrunar-, dvalar- og dagvistarrýmum. Gjaldið árið 2011 er 2.981 kr. á m² á ári og reiknast að hámarki á 60 m² á hvert hjúkrunar- og dvalarrými að með­töldu sameiginlegu rými og að hámarki 30 m² á dagvistarrými að meðtöldu sameigin­legu rými. Gjaldið reiknast aldrei á stærra rými en sem stærð húsnæðisins nemur.

Húsnæðisgjaldi er ætlað að standa undir öllu almennu viðhaldi húsnæðis en ekki stofn­kostnaði, afskriftum og meiriháttar breytingum og endurbótum á húsnæði.

5. gr.

Framkvæmd.

Sjúkratryggingar Íslands og Tryggingastofnun ríkisins annast framkvæmd reglugerðar þessarar.

6. gr.

Gildistaka.

Reglugerð þessi, sem sett er með stoð í 2. mgr. 22. gr., 2. mgr. 24. gr., 55. gr. og IV. ákvæði til bráðabirgða laga nr. 112/2008, um sjúkratryggingar, með síðari breytingum, 6. og 10. mgr. 48. gr., sbr. 70. gr. laga nr. 100/2007, um almannatryggingar, með síðari breytingum, sbr. 1. og 3. mgr. 21. gr., 1. mgr. 22. gr. og 29. gr. laga nr. 125/1999, um málefni aldraðra, með síðari breytingum, öðlast gildi 1. janúar 2011. Jafnframt fellur úr gildi reglugerð nr. 1080/2009, um daggjöld hjúkrunarheimila og annarra sérhæfðra vistunarstofnana árið 2010, og reglugerð nr. 1091/2009, um daggjöld dvalarheimila og dagvista og húsnæðisgjald vegna viðhalds öldrunarstofnana fyrir árið 2010.

Velferðarráðuneytinu, 7. janúar 2011.

Guðbjartur Hannesson.

Ágúst Þór Sigurðsson.