Reglugerð um gjöld fyrir viðbótarvottorð fyrir lyf og plöntuvarnarefni. - Brottfallin

Reglugerð

um gjöld fyrir viðbótarvottorð fyrir lyf og plöntuvarnarefni.

1. gr.

Fyrir umsókn um viðbótarvottorð fyrir einkaleyfi skv. 65. gr. a í lögum um einkaleyfi greiðist kr. 28.700

2. gr.

Fyrir viðbótarvottorð skv. 65. gr. a í einkaleyfalögum og 51. gr. reglugerðar nr. 574/1991 varðandi umsóknir um einkaleyfi o.fl., með síðari breytingum, skal greiða eftirfarandi árgjald fyrir hvert byrjað gjaldár kr. 30.000

Árgjald, sem greitt er eftir gjalddaga en innan sex mánaða frá honum, skal hækka um 20%.

3. gr.

Um önnur gjöld vegna viðbótarvottorða og meðferðar þeirra gilda ákvæði reglugerðar nr. 673/1996 fyrir einkaleyfi, vörumerki, hönnun o.fl., með síðari breytingum.

4. gr.

Reglugerð þessi, sem sett er samkvæmt heimild í 65. gr. a í lögum nr. 17/1991, um einkaleyfi, með síðari breytingum, skal öðlast gildi 2. janúar 1998.

Iðnaðarráðuneytinu, 30. desember 1997.

Finnur Ingólfsson.

Jón Ögmundur Þormóðsson.