|
|
913/2003
REGLUGERÐ
um breytingu á reglugerð nr. 796/1999 um varnir gegn mengun vatns,
sbr. reglugerð nr. 553/2001.
1. gr. 2. mgr. 15. gr. reglugerðarinnar orðist svo:
15.2 Við gerð starfsleyfis fyrir vatnsveitu eða við ákvörðun um framkvæmdir á vatnsverndarsvæði skal umsækjandi starfsleyfis leggja fram mat um hvort hætta sé á að vatnsbólið spillist vegna nálægrar starfsemi eða umferðar. Við matið skal, eftir því sem við á, taka mið af vatnafræðilegum, jarðfræðilegum og landfræðilegum aðstæðum á vatnasviði vatnsbólsins, líklegum uppsprettum mengunar, mengunarálagi og mikilvægi vatnsbólsins.
2. gr. Við 5. gr. reglugerðarinnar bætist ný málsgrein 3. mgr. sem orðist svo:
15.3 Vanda skal frágang við borholustæði og fóðra borholur starfsleyfisskyldra vatnsveitna tryggilega til þess að hindra að yfirborðsvatn mengi vatnsbólið.
3. gr. Reglugerð þessi er sett samkvæmt 5. gr. laga nr. 7/1998, um hollustuhætti og mengunarvarnir og öðlast gildi við birtingu.
Umhverfisráðuneytinu, 5. desember 2003.
F. h. r.
Magnús Jóhannesson. Sigríður Auður Arnardóttir.
Stofnreglugerð:
796/1999 - Reglugerð um varnir gegn mengun vatns.
|