REGLUGERÐ

um aðskilnað fjarskiptaneta og kapalkerfa

fyrir sjónvarp sem eru í eigu sama lögaðila.

 

1. gr.

Fjarskiptafyrirtæki er óheimilt að starfrækja í nafni eins lögaðila kapalkerfi fyrir sjónvarp og almennt fjarskiptanet þegar:

a.         lögaðilanum er stýrt af ríkinu eða nýtur sérstakra réttinda samkvæmt lögum og,

b.         lögaðilinn hefur markaðsráðandi stöðu á umtalsverðum hluta innri markaðar á Evrópska efnahagssvæðinu á sviði almennra fjarskiptaneta og almennrar talsímaþjónustu og,

c.         lögaðilinn starfrækir kapalkerfi fyrir sjónvarp sem hefur verið byggt í skjóli sérréttinda eða einkaleyfis á sama svæði.

Reglugerðin gildir ekki fyrir breiðbandsnet.

Póst- og fjarskiptastofnun skal tryggja að farið sé eftir ákvæðum 1. mgr.

 

2. gr.

Reglugerð þessi, sem sett er með stoð í 59. gr. laga nr. 107/1999 um fjarskipti og með hliðsjón af tilskipun framkvæmdastjórnar Evrópusambandsins 1999/64/EB frá 23. júní 1999 um breytingu á tilskipun 90/388/EBE til þess að tryggja að fjarskiptanet og kapalkerfi fyrir sjónvarp í eigu eins rekstraraðila séu aðskildir lögaðilar, öðlast þegar gildi.

 

Samgönguráðuneytinu, 28. nóvember 2000.

 

Sturla Böðvarsson.

Ragnhildur Hjaltadóttir.