|
|
642/2002
felld brott með rg. nr. 655/2009
REGLUGERÐ
um breyting á reglugerð um starfsemi leikskóla nr. 225/1995.
1. gr. 6. gr. orðist svo:
Leikskólakennarar bera ábyrgð á stjórnun, skipulagningu, framkvæmd og mati á uppeldi og menntun barna í leikskóla. Leikskólakennarar annast daglega verkstjórn og ber að þjálfa og leiðbeina starfsfólki sem er án leikskólakennaramenntunar. Nánar skal kveðið á um leiðbeiningar- og stjórnunarhlutverk leikskólakennara í starfslýsingu.
Fyrir hvert stöðugildi leikskólakennara, sem sér um umönnun, uppeldi og menntun barna í leikskóla, skulu vera 8 barngildi samkvæmt reiknireglu 7. gr. Þessu til viðbótar koma störf leikskólastjóra, störf vegna sérstaks stuðnings, afleysinga og ræstinga og störf í eldhúsi samkvæmt mati rekstraraðila miðað við stærð leikskóla.
2. gr. Reglugerð þessi er sett með heimild í 6. gr. laga nr. 78/1994 um leikskóla og öðlast þegar gildi.
Menntamálaráðuneytinu, 22. ágúst 2002.
Tómas Ingi Olrich. Guðríður Sigurðardóttir.
Stofnreglugerð:
225/1995 - Reglugerð um starfsemi leikskóla.
|