Reglugerð um breytingu á reglugerð um almannaflug nr. 488/1997. - Brottfallin
Stofnreglugerð:
- 488/1997 Reglugerð um almannaflug
Felld brott með:
- 694/2010 Reglugerð um almannaflug flugvéla.
Eftirfarandi orðskýringar bætast við grein 1.0:
Atvinnuflug (Commercial aviation). Almennt hugtak um flugstarfsemi sem stendur almenningi til boða gegn gjaldi.
Flutningaflug (Commercial air transport operation): Starfræksla loftfars sem felur í sér flutninga á farþegum, vörum eða pósti gegn endurgjaldi.
Eftirfarandi orðskýring fellur brott úr gr. 1.0:
Atvinnuflutningar (Commercial air transport Aviation).
Við grein 4.4.1 d) lið bætist eftirfarandi málsliður:
Við útreikninga á massa flugvélarinnar og staðsetningu þyngdarmiðju skal farið eftir flughandbók vélarinnar og skal nota raunmassa við útreikninga.
Eftirfarandi málsliður bætist við grein 4.8.1 eftir orðinu "fluginu": Fyrir hvert flug skal mæla, með kvarða eða á annan jafngildan hátt, eldsneytismagn á tönkum flugvélarinnar og niðurstaðan skráð sérstaklega og kvittað fyrir.
Brot gegn ákvæðum reglugerðar þessarar varða refsingu samkvæmt 141. gr. laga um loftferðir nr. 60/1998 með síðari breytingum.
Reglugerð þessi, sem sett er samkvæmt 137. gr. sbr. 145. gr. laga um loftferðir nr. 60/1998 með síðari breytingum, staðfestist hér með til að öðlast þegar gildi.
