Heiti reits | Lýsing |
1. Auðkenning fyrirtækis sem gefur skýrslu | Sérstakur kóði til að auðkenna fyrirtækið sem annaðist viðskiptin. |
2. Viðskiptadagur | Viðskiptadagurinn þegar viðskiptin fóru fram. |
3. Viðskiptatími | Gefa skal upp tímasetningu á því hvenær viðskiptin fóru fram á staðartíma þess lögbæra yfirvalds sem tilkynnt er um viðskiptin ásamt grundvelli skýrslugjafar varðandi viðskiptin, miðað við alheimstíma (UTC) +/- klst. |
4. Kaup-/söluvísir | Sýnir hvort viðskiptin voru kaup eða sala frá sjónarhóli fjármálafyrirtækisins sem gefur skýrslu eða viðskiptavinarins ef skýrsla er lögð fyrir viðskiptavin. |
5. Viðskiptageta | Segir til um hvort fyrirtækið annaðist viðskiptin: – fyrir eigin reikning (annaðhvort fyrir eigin hönd eða fyrir hönd viðskiptavinar), – fyrir reikning og hönd viðskiptavinar. |
6. Auðkenning gernings | Í henni felst: – sérstakur kóði (ef hann er fyrir hendi) sem lögbæra yfirvaldið, sem fær skýrsluna með auðkenningu fjármálagerningsins sem viðskiptin eru með, ákvarðar, – ef viðkomandi fjármálagerningur hefur ekki sérstakan auðkenniskóða skal heiti gerningsins, eða einkenni samningsins ef um er að ræða afleiðusamning, vera í skýrslunni. |
7. Tegund kóða gernings | Tegund kóða sem notaður er til að tilkynna um gerninginn. |
8. Auðkenning undirliggjandi gernings | Auðkenning gerningsins sem gildir um verðbréfið sem er undirliggjandi eign afleiðusamnings og verðbréfsins sem fellur undir c-lið 18. liðar 1. mgr. 4. gr. tilskipunar 2004/39/EB. |
9. Tegund auðkenniskóða undirliggjandi gernings | Tegund kóðans sem notaður er til að tilkynna um undirliggjandi gerning. |
10. Tegund gernings | Samræmd flokkun fjármálagerningsins sem viðskiptin eru stunduð með. Í lýsingunni skal a.m.k. koma fram hvort gerningurinn sé í einum af helstu flokkunum sem gefnir eru sem alþjóðlega viðurkenndur samræmdur staðall fyrir flokkun fjármálagerninga. |
11. Gjalddagi | Gjalddagi skuldabréfs eða annars konar tryggðs skuldaskjals eða nýtingardagur/gjalddagi afleiðusamnings. |
12. Tegund afleiðu | Samræmd lýsing á tegund afleiðu skal gerð í samræmi við einn af helstu flokkunum sem gefnir eru sem alþjóðlega viðurkenndur staðall fyrir flokkun fjármálagerninga. |
13. Söluréttur/kaupréttur | Tilgreining á því hvort valréttur eða annar fjármálagerningur sé sölu- eða kaupréttur. |
14. Lausnarverð | Lausnarverð valréttar eða annarra fjármálagerninga. |
15. Verð-margfaldari | Fjöldi eininga viðkomandi fjármálagernings í einni viðskiptalotu, t.d. fjöldi afleiðna eða verðbréfa í einum samningi. |
16. Einingarverð | Verð hlutabréfs eða afleiðusamnings að undanskildum umboðslaunum og (þar sem við á) áföllnum vöxtum. Ef um er að ræða skuldagerning má gefa upp verð í gjaldmiðli eða sem hundraðshluta. |
17. Verðviðmið | Gjaldmiðillinn sem verðið er gefið upp í. Ef um er að ræða skuldabréf eða annars konar verðbréfaðar skuldir og verðið er gefið upp sem hundraðshluti skal einnig gefa upp hundraðshlutann. |
18. Magn | Fjöldi eininga fjármálagerningsins, nafnverð skuldabréfa eða fjöldi afleiðusamninga sem teljast til viðskiptanna. |
19. Magntáknun | Upplýsingar um hvort magnið vísi til fjölda eininga fjármálagerninga, nafnverðs skuldabréfa eða fjölda afleiðusamninga. |
20. Mótaðili | Auðkenning mótaðila viðskiptanna. Í auðkenningunni felst: – ef mótaðilinn er fjármálafyrirtæki, sérstakur kóði fyrir viðkomandi fyrirtæki, sem lögbært yfirvald (ef það er fyrir hendi), sem fær skýrsluna, ákvarðar, – ef mótaðilinn er skipulegur verðbréfamarkaður eða markaðstorg fjármálagerninga (MTF) eða aðili sem gegnir hlutverki milligönguaðila, sérstakur samræmdur auðkenniskóði fyrir viðkomandi markað, markaðstorg eða aðila sem gegnir hlutverki miðlægs mótaðila, eins og hann er skilgreindur í skránni sem lögbært yfirvald heimaaðildarríkis viðkomandi fyrirtækis gefur út í samræmi við 2. mgr. 13. gr., – ef mótaðilinn er ekki fjármálafyrirtæki, skipulegur verðbréfamarkaður eða aðili sem gegnir hlutverki miðlægs mótaðila skal auðkenna hann sem „viðskiptavin“ fjármálafyrirtækisins sem annaðist viðskiptin. |
21. Auðkenning kerfis | Auðkenning kerfisins þar sem viðskiptin fara fram. Í auðkenningunni felst: – ef kerfið er markaður: sérstakur samræmdur auðkenniskóði, – annars: kóðinn „OTC“. |
22. Tilvísunarnúmer viðskipta | Sérstakt kenninúmer viðskiptanna sem fjármálafyrirtækið lætur í té eða þriðji aðili sem gefur skýrslur fyrir hönd þess. |
23. Merki um afturköllun | Upplýsingar um hvort viðskiptin voru afturkölluð. |