|
|
186/2001
REGLUGERÐ
um breyting á reglugerð um innheimtu höfundaréttargjalda
skv. 3. og 4. mgr. 11. gr. höfundalaga.
1. gr. Á B lið 1. gr. verða svofelldar breytingar.
6. tl. verður svohljóðandi: Af geisladiskum með allt að 2 Gb minnisrýmd sem flokkast í tnr. 8523.9001 skal greiða 17 kr. á hvert eintak.
7. tl. verður svohljóðandi: Af geisladiskum með meira en 2 Gb minnisrýmd sem flokkast í tnr. 8523.9002 skal greiða 50 kr. á hvert eintak.
2. gr. Svofelldar breytingar verða á 2. gr.
1. tl. 2. gr. fellur niður. Númer einstakra töluliða breytast í samræmi við framangreinda breytingu.
3. gr. 3. gr. orðist svo:
Við innflutning skal höfundaréttargjald skv. 2. gr. lagt á tollverð vöru, eftir því sem nánar er ákveðið í tollalögum nr. 55/1987, með síðari breytingum og gilda ákvæði þeirra laga ennfremur um innheimtu á gjaldinu, eftir því sem við á, enda hafi samtök höfundaréttarfélaga falið tollyfirvöldum innheimtu þess á grundvelli 6. mgr. 11. gr. höfundalaga nr. 73/1972.
Við framleiðslu skal höfundaréttargjald skv. 2. gr. lagt á framleiðsluverð vöru, eftir nánari ákvörðun ráðherra.
4. gr. Reglugerð þessi öðlast þegar gildi.
Menntamálaráðuneytinu, 6. mars 2001.
Björn Bjarnason. Þórunn J. Hafstein.
Stofnreglugerð:
125/2001 - Reglugerð um innheimtu höfundaréttargjalda skv. 3. og 4. mgr. 11. gr. höfundalaga.
|