Reglugerð um (21.) breytingu á reglugerð nr. 301/1995 um eftirlit með sáðvöru.
1. gr.
Innleiðing.
Ákvæði samningsins um Evrópska efnahagssvæðið sem vísað er til í III. kafla I. viðauka skulu öðlast gildi með breytingum og viðbótum sem leiðir af I. viðauka, bókun 1 við samninginn og öðrum ákvæðum hans. Á grundvelli ákvörðunar sameiginlegu EES-nefndarinnar nr. 97/2010, frá 1. nóvember 2010, öðlast eftirfarandi EB-gerð gildi hér á landi:
Reglugerð framkvæmdastjórnarinnar (EB) nr. 637/2009 frá 22. júlí 2009 um setningu framkvæmdarreglna um heppileika nafngifta á yrkjum af tegundum nytjaplantna í landbúnaði og grænmetistegunda. Reglugerðin er birt í EES-viðbæti við Stjórnartíðindi Evrópusambandsins nr. 71, frá 16. desember 2010, bls. 351.
2. gr.
Nýr 11. viðauki.
Reglugerð framkvæmdastjórnarinnar (EB) nr. 637/2009 fellur undir nýjan 11. viðauka reglugerðar nr. 301/1995 um eftirlit með sáðvöru.
3. gr.
Eftirlit.
Matvælastofnun fer með eftirlit með því að ákvæðum þessarar reglugerðar sé framfylgt í samræmi við lög nr. 22/1994, um eftirlit með fóðri, áburði og sáðvöru.
4. gr.
Þvingunarúrræði og viðurlög.
Um brot gegn reglugerð þessari fer samkvæmt 9. gr., 9. gr. a - 9. gr. e laga nr. 22/1994 um eftirlit með fóðri, áburði og sáðvöru.
5. gr.
Brottfall reglugerða.
Við gildistöku reglugerðar þessarar falla eftirfarandi reglugerðir úr gildi:
- Reglugerð nr. 659/2006 um (9.) breytingu á reglugerð nr. 301/1995 um eftirlit með sáðvöru.
- Reglugerð nr. 336/2009 um (17.) breytingu á reglugerð nr. 301/1995 um eftirlit með sáðvöru.
6. gr.
Lagastoð.
Reglugerð þessi er sett með heimild í lögum nr. 22/1994 um eftirlit með fóðri, áburði og sáðvöru.
7. gr.
Gildistaka.
Reglugerðin tekur þegar gildi.
Sjávarútvegs- og landbúnaðarráðuneytinu, 3. febrúar 2011.
Jón Bjarnason.
Baldur P. Erlingsson.