Reglugerð um lóð frá 1 mg - 50 kg í hærri nákvæmnisflokkum

1.Heimiluð hámarksfrávik fyrir frumsannprófun.

Jákvæð eða neikvæð heimiluð hámarksfrávik fyrir hvert lóð eru sýnd í millígrömmum í eftirfarandi töflu:

Málgildi	Flokkur E1	Flokkur E2	Flokkur F1	Flokkur F2	Flokkur M1
50 kg 20 kg 10 kg 5 kg 2 kg 1 kg 500 g 200 g 100 g 50 g 20 g 10 g 5 g 2 g 1 g 500 mg 200 mg 100 mg 50 mg 20 mg 10 mg 5 mg 2 mg 1 mg	25 10 5 2,5 1,0 0,50 0,25 0,10 O,O5 0,030 0.025 0,020 0,015 0,012 0,010 0,008 0,006 0,005 0,004 0,003 0,002 0,002 0,002 0,002	75 30 15 7,5 3,0 1,5 0,75 0,30 0,15 0,10 0.080 0,060 0,050 0,040 0,030 0,025 0,020 0,015 0,012 0,010 0,008 0,006 0,006 0,006	250 100 50 25 10 5 2,5 l,0 0,5 0,30 0,25 0,20 0,15 0,12 0,10 0,08 0,06 0,05 0,04 0,03 0,025 0,020 0,020 0,020	750 300 150 75 30 15 7,5 3,0 1,5 l,0 0,8 0,6 0,5 0,4 0,3 0,25 0,20 0,15 0,12 0,10 0,08 0,06 0,06 0,06	2 500 1 000 500 250 100 50 25 10 5 3,0 2,5 2,0 1,5 1,2 1,0 0,8 0,6 0,5 0,4 0,3 0,25 0,20 0,20 0,20

2. Lögun lóða.

Eins gramms lóð getur verið margfeldi eins gramms eða brot af því.

2.1. Eins gramms lóð og lóð sem eru margfeldi af grammi.

2.1.1. Lóð í flokki M₁ skulu vera eins að lögun og lóð í millinákvæmnisflokki.

2.1.2. Lóð í öðrum nákvæmnisflokkum geta verið að ytra máli eins og lóð í millinákvæmnisflokki. Lóð frá 10 kg til 1 gramms geta einnig verið sívöl eða að lögun eins og toppskorin keila með hnapplaga handfangi ofan á.

2.1.2.1. Hæð sjálfs lóðsins skal vera nokkurn veginn jöfn meðalþvermálinu og leyfilegur munur meðalþvermáls og hæðar á milli ³/₄ og ⁵/₄ þess þvermáls.

2.1.2.2. Á öllum lóðum skal hæð hnapplaga handfangs liggja á milli meðalþvermáls sjálfs lóðsins og helmings þess þvermáls.

2.1.3. Á lóðum í flokki E₁, E₂ og F₁ er ekki skylt að hafa hnapplaga handfang; þau geta verið einfaldur sívalningur að lögun.

2.1.4. Lóð í flokki E₁, E₂ skulu steypt í einu lagi; í lóðum í öðrum flokkum er leyfilegt að hafa stillihólf sem er lokað með hnapplaga handfanginu eða öðrum hentugum búnaði. Rúmmál stillihólfs skal ekki vera meira en sem nemur 1/5 af heildarrúmmáli lóðsins.

2.2. Lóð sem eru eitt gramm og lóð sem eru brot úr grammi.

Lóð sem eru eitt gramm og lóð sem eru brot úr grammi skulu vera samsett úr marghyrndum þynnum eða þráðum og þannig að lögun að auðvelt sé að handleika þau.

Lögun lóðanna skal gefa til kynna málgildi þeirra.

Marghyrndar þynnur, lögun og gildi:

þríhyrningur fyrir 1 - 10 - 100 - 1 000 mg

ferhyrningur fyrir 2 - 20 - 200 mg

fimmhyrningur fyrir 5 - 50 - 500 mg

Marghyrndir þráðhlutar og gildi þeirra:

1 hluti fyrir 1 - 10 - 100 - 1 000 mg

2 hlutar fyrir 2 - 20 - 200 mg

5 hlutar fyrir 5 - 50 - 500 mg

Nú er tvö lóð eða fleiri í samstæðu eins og skal þá aðgreina þau með einni eða tveimur stjörnum eða punktum ef um er að ræða lóð úr þynnum, en með einum eða tveimur krókum ef um er að ræða lóð úr þráðum.

2.3. Leyfilegt er að lóð sem eru 20 og 50 kg þung og tilheyra ekki flokki M₁ hafi þá lögun sem best hentar fyrirhugaðri notkun þeirra.

3. Smíðaefni lóða.

3.1. Lóð skulu gerð úr málmi eða málmblöndu. Gæði málmsins eða málmblöndunnar skulu vera slík að rýrnun lóðanna, við eðlilegar notkunaraðstæður, sé hverfandi miðað við heimiluð hámarksfrávik í nákvæmnisflokki þeirra.

3.1.1. Lóðin skulu vera nægilega þétt til að 10% breyting á loftþéttleika miðað við þann þéttleika sem tilgreindur er (1,2 kg/m³) leiði ekki af sér frávik sem er meira en 1/4 af heimiluðu hámarksfráviki.

3.1.2. Málmur eða málmblanda sem lóð í flokkunum E₁, E₂ og F₁ eru gerð úr skal vera því sem næst ónæmur fyrir segulsviði.

3.2. Málmur eða málmblanda sem 5 til 50 kg rétthyrningslaga lóð í flokki M₁ eru gerð úr skal að minnsta kosti standast ryð og slit jafnvel og grátt steypujárn.

3.3. Sívöl lóð í flokki M₁ að málgildi jafnt og eða minna en 10 kg skulu gerð úr látúni eða öðru efni sem samsvarar að minnsta kosti látúni að gæðum.

3.4. Heimilt er að þeim eiginleikum sem um getur í liðum 6.2 og 6.3 sé náð fram með viðeigandi meðferð á yfirborði.

4. Áferð yfirborðs.

4.1. Yfirborð lóðanna, að meðtöldum botni þeirra og brúnum, skal vera algerlega slétt. Yfirborð lóða í flokki E₁, E₂, F₁ og F₂ skal vandlega fægt og ekki sýnast grópið sé það skoðað berum augum.

Yfirborð sívalra 10 kg til 1 kg lóða í flokki M₁ skal fægt og ekki sýnast grópið sé það skoðað berum augum. Áferð yfirborðs 50, 20, 10 og 5 kg rétthyrningslaga lóða í flokki M₁ skal sambærilegt við steypujárn sem er vandlega steypt í móti úr fínum sandi.

4.2. Leyfilegt er að yfirborð lóða í flokki E₁, E₂, F₁ og F₂ sem eru eins eða fleiri gramma þung sé varið með málmhúð.

4.3. Leyfilegt er að yfirborð lóða í flokki M₁, sem eru eins eða fleiri gramma þung sé varið með heppilegri húð.

5. Stillingarefni.

Lóð í nákvæmnisflokkum F_l og F₂ sem hafa stillihólf skulu stillt með sama efni og þau eru gerð úr eða með hreinu tini eða með mólýbdeni.

Stilla má lóð í flokki M₁ með blýi.

6. Áletranir.

6.1. Lóð úr þynnum eða þráðum sem hafa málgildi minna en eða jafnt og eitt gramm skulu ekki merkt með málgildi.

6.2. Lóð sem hafa málgildi sem er jafnt og eða meira en eitt gramm:

- skulu ekki merkt með málgildi í flokkum E₁ og E₂

- skulu, í flokki F₁, einungis merkt með málgildi eins og mælt er fyrir um í lið 9.2.1; merkingin skal vera sorfin eða grafin í;

- skulu, í flokki F₂ merkt eins og lóð í flokki F₁ að viðbættum bókstafnum F;

- skulu, í flokki M₁ hafa málgildi í tölum og þar á eftir tákn viðkomandi einingar, ýmist upphleypt eða grafið í, ofarlega á lóðinu sjálfu eða á hnapplaga handfangi.

Sívöl lóð skulu merkt með bókstafnum "M", ýmist upphleyptum eða gröfnum í; rétthyrningslaga lóð skulu merkt með bókstafnum "M" sem þarf hvorki að vera upphleyptur né grafinn í.

6.2.1. Málgildi lóðanna skal sýnt í:

- kílógrömmum á lóðum sem eru 1 kílógramm eða meira,

- grömmum á lóðum sem eru 1 til 500 grömm.

6.2.2. Lóð sem eru tvö eða þrjú í samstæðu skulu auðkennd rneð einni eða tveimur stjörnum eða einum eða tveimur punktum.

7. Merki um lokasannprófun.

Á öllum kössum sem í eru lóð í flokki E₁, E₂ og F₁, svo og öllum kössum sem í eru eins gramms lóð og tugamargfeldi af grammi skal vera merki um lokasannprófun.

Á lóð í flokki F₂ skal setja merki um lokasannprófun á lok stillihólfs en ef stillihólf er ekki fyrir hendi á botn lóðsins. Á eins gramms til 50 kg lóð í flokki M₁ skal setja merkin um lokasannprófun á blýið sem lokar stillihólfi eða á botn lóðsins ef stillihólf er ekki fyrir hendi.

8. Frágangur.

8.1. Stök lóð og samstæður lóða í flokkum E₁, E₂, F₁ og F₂ skulu vera í kössum.

8.2. Í flokki M₁ skulu

- stök lóð eða samstæður lóða með gildi allt að 500 grömm vera í kössum

- lóð sem hafa málgildi meira en 500 grömm vera í kössum, í standi eða stök án hlífar.

8.3. Á lokum kassanna skal sjást í hvaða flokki lóðin í þeim eru: E₁, E₂, F₁, F₂ og M₁.