Reglugerð um breytingu á reglugerð nr. 1101/2004, um markaðssetningu sæfiefna. - Brottfallin
Stofnreglugerð:
- 1101/2004 Reglugerð um markaðssetningu sæfiefna.
Felld brott með:
- 878/2014 Reglugerð um sæfivörur.
1. gr.
Við 33. gr. bætist nýr töluliður, f-liður, sem orðast svo:
|
f) |
Reglugerð framkvæmdastjórnarinnar (EB) nr. 1451/2007 frá 4. desember 2007 um annan áfanga 10 ára vinnuáætlunarinnar sem um getur í 2. mgr. 16. gr. tilskipunar Evrópuþingsins og ráðsins 98/8/EB um markaðssetningu sæfiefna, sem vísað er til í tl. 12ze í XV. kafla II. viðauka samningsins um Evrópska efnahagssvæðið, eins og honum var breytt með ákvörðun sameiginlegu EES-nefndarinnar nr. 132/2009, frá 4. desember 2009. Reglugerðin er birt í fylgiskjali 4. |
2. gr.
Í töflu í A. hluta V. viðauka, "Virk efni sem heimilt er að nota í sæfiefni", bætast við efni, sbr. töflu í I. viðauka við þessa reglugerð.
3. gr.
Reglugerð þessi er sett með stoð í lögum nr. 52/1988, um eiturefni og hættuleg efni, með síðari breytingum, og lögum nr. 7/1998, um hollustuhætti og mengunarvarnir, með síðari breytingum.
Reglugerðin er sett til innleiðingar á eftirfarandi gerðum:
|
1) |
Reglugerð framkvæmdastjórnarinnar (EB) nr. 1451/2007, sbr. 1. gr. |
|
|
2) |
Tilskipun framkvæmdastjórnarinnar 2008/15/EB frá 15. febrúar 2008 um breytingu á tilskipun Evrópuþingsins og ráðsins 98/8/EB í því skyni að bæta virka efninu klóþíanidíni við í I. viðauka við hana, sem vísað er til í tl. 12n í XV. kafla II. viðauka samningsins um Evrópska efnahagssvæðið, eins og honum var breytt með ákvörðun sameiginlegu EES-nefndarinnar nr. 28/2009, frá 17. mars 2009. |
|
|
3) |
Tilskipun framkvæmdastjórnarinnar 2008/16/EB frá 15. febrúar 2008 um breytingu á tilskipun Evrópuþingsins og ráðsins 98/8/EB í því skyni að bæta virka efninu etófenproxi við í I. viðauka við hana, sem vísað er til í tl. 12n í XV. kafla II. viðauka samningsins um Evrópska efnahagssvæðið, eins og honum var breytt með ákvörðun sameiginlegu EES-nefndarinnar nr. 28/2009, frá 17. mars 2009. |
Reglugerðin öðlast þegar gildi.
Umhverfisráðuneytinu, 15. desember 2009.
F. h. r.
Sigríður Auður Arnardóttir.
Kristín R. Snorradóttir.
VIÐAUKI
(sjá PDF-skjal)