Reglugerð um (12.) breytingu á reglugerð nr. 301/1995 um eftirlit með sáðvöru.
1. gr.
Tilskipanir framkvæmdastjórnarinnar nr. 2006/47/EB og nr. 2006/55/EB, sem vísað er til í III. kafla, I. viðauka samningsins um Evrópska efnahagssvæðið, eins og honum var breytt með ákvörðun sameiginlegu EES-nefndarinnar nr. 143/2006, frá 9. desember 2006, skulu öðlast gildi hér á landi með þeim breytingum og viðbótum sem leiðir af reglugerð þessari, I. viðauka samningsins, bókun 1 við samninginn og öðrum ákvæðum hans.
2. gr.
Við II. lið (um korn til grænfóðurs og þroska) 2. viðauka reglugerðar nr. 301/1995 (gæðakröfur) bætist eftirfarandi:
7. Þyngd vörueiningar og sýnis:
Sýni vegna neðangreindra tegunda þurfa að hafa tiltekna lágmarksþyngd og þyngd vörueininga ekki fara yfir tiltekna hámarksþyngd.
|
Tegundir |
Hámarksþyngd |
Lágmarksþyngd |
Þyngd sýnis sem er |
|
1 |
2 |
3 |
4 |
|
Avena sativa, Hordeum vulgare, Triticum aestivum, Triticum durum, Triticum spelta, Secale cereale, Triticosecal |
30 |
1000 |
500 |
|
Phalaris canariensis |
10 |
400 |
200 |
|
Oryza sativa |
30 |
500 |
500 |
|
Sorghum spp. |
10 |
1000 |
900 |
|
Sykurmaís (Zea mays), sáðkorn frá skyldleikaræktuðum línum |
40 |
250 |
250 |
|
Sykurmaís (Zea mays), stofnsáðkorn annað en frá skyldleikaræktuðum línum; vottað sáðkorn |
30 |
1000 |
1000 |
Heimiluð eru 5% vikmörk fyrir hámarksþyngd vörueiningar í 2. dálki töflunnar.
3. gr.
9. liður 5. viðauka reglugerðar nr. 301/1995 orðist svo:
Upplýsingar um að flughafrar hafi ekki fundist í framleiðslueiningu og sýni, sem eru að lágmarki 3 kg, og tekin hafa verið úr einsleitum vörueiningum (framleiðslueiningu) í samræmi við ákvæði um sýnatöku í C. lið 8. viðauka og 2. gr. hér að ofan, hafi verið laus við flughafra þegar opinber skoðun fór fram.
4. gr.
Reglugerð þessi er sett með heimild í lögum nr. 22/1994 um eftirlit með fóðri, áburði og sáðvöru. Reglugerðin tekur þegar gildi.
Landbúnaðarráðuneytinu, 25. april 2007.
F. h. r.
Guðmundur B. Helgason.
Baldur P. Erlingsson.