|
|
802/2007
REGLUGERÐ
um (4.) breytingu á reglugerð nr. 111/2001 um gerð lyfseðla og ávísun lyfja.
1. gr. Á eftir 1. mgr. 1. gr. kemur ný málsgrein sem orðast svo:
Rafrænn lyfseðill er lyfjaávísun læknis, tannlæknis eða dýralæknis, sem send er með rafrænum hætti í sérstaka lyfseðlagátt þangað sem sú lyfjabúð, sem afgreiðir lyfseðilinn sækir hann.
2. gr. Við 16. gr. bætist ný málsgrein sem orðast svo:
Rafrænir lyfseðlar skulu auðkenndir í númeraröð, sem úthlutað er sjálfkrafa í gátt þeirri, er þeir fara um, sbr. 1. gr.
3. gr. 3. málsl. 4. mgr. 28. gr. orðast svo:
Fjölnota lyfseðil má ekki myndsenda.
4. gr. 3. mgr. 29. gr. orðast svo:
Óheimilt er að ávísa með myndsendum lyfseðli eftirritunarskyldum lyfjum og lyfjum sem ekki hefur verið veitt markaðsleyfi fyrir.
5. gr. 2. málsl. 2. mgr. 33. gr. orðast svo:
Rafrænn lyfseðill fellur úr gildi sé hans ekki vitjað í lyfseðlagátt, sbr. 1. gr., innan 30 daga frá útgáfudegi.
6. gr. Reglugerð þessi, sem sett er með heimild í 12. gr. og 49. gr. lyfjalaga nr. 93/1994 með síðari breytingum, öðlast þegar gildi.
Heilbrigðis- og tryggingamálaráðuneytinu, 4. september 2007.
Guðlaugur Þór Þórðarson. Berglind Ásgeirsdóttir.
Stofnreglugerð:
111/2001 - Reglugerð um gerð lyfseðla og ávísun lyfja.
|